Sancho VII de Navarra

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sancho VII de Navarra
Rei de Navarra
Estactua en Tudela.
Rei de Navarra
1194-1234
Predecesor	Sancho VI lo Sabio
Succesor	Tibalt lo Trobador
Naixencia	17 d'abril de 1154
Muerte	7 d'abril de 1234
Pai	Sancho VI lo Sabio
Mai	Sancha de Castiella

Sancho VII de Navarra, (Tudela, 17 d'abril de 1154- Tudela 7 d'abril de 1234) dito lo Fuerte, estió rei de Navarra entre 1194 y 1234. Fillo de Sancho VI lo Sabio y d'a suya muller Sancha de Castiella, y chermano de Belenguera de Navarra, succedió a su padre en la cadiera reyal de Navarra en l'anyo 1194.

Casato dimpués de 1195 con Gonstanza de Tolosa, filla de Ramón VI (Conte de Tolosa), y se'n deseparó mes tarde.

Continó con las relacions que su padre heba establito con Castiella y, sobretot, con Aragón.

Prebó d'aduyar a Alifonso VIII de Castiella en la batalla d'Alarcos (1195), pero i plegó tarde, lo que disgustó a lo monarca castellano y orichinó un enfrentamiento.

Sancho "el Fuerte" devastó Soria y Almazán, y lo rei de Castiella li habió de demandar la Paz de Tarazona (1196).

Alifonso VIII aproveitó la estancia de lo monarca navarro en Murcia, Andalucía y lo norte d'Africa, pa prener Alaba y Ipuzcua, conquistas confirmatas por lo Tractau de Guadalachara (1207).

Escudo de Navarra que conmemora la Batalla de Las Landas de Tolosa.

Firmó un tractau d'afillamiento y succesión reciproca con Chaime I d'Aragón que no se cumplió:

Io don Sancho, rey de Navarra por la gracia de Dios por estas palabras et por estas conveniencias desafillo a todo omne et afillo a vos don Jacme rey de Aragón por todo el Regno de Navarra et aquello qui al regno de Navarra pertanne et quiero et mando que todos míos concellos que juren a vos sennoría que vos atiendan esto con Navarra et con los castiellos et con las villas si por aventura deviniesse antes de mí que de vos et si non lo fiziesen que fosen traidores asi como escripto es desuso. Et ambos ensemble femos paramiento et conveniencia que si por aventura io en mia terra camiasse ricos omens e alcaydes o otros quales quisier en mios castiellos aquellos a qui io los diere castiellos o castiello que aquel que los receba por mí que vienga a vos e vos faga omenage que vos atienda esto así como sobre escripto es.

Sancho VII de Navarra

Predecesor: Sancho lo Sabio

Rei de Navarra 1194 - 1234

Succesor: Tibalt I lo Trobador