Linia ferria
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una linia ferria ye una infraestructura de comunicacions determinada entre dos puntos cheograficos formada por una u más d'una vía ferria, con as suyas estacions y apeaderos y os trachectos de plena vía, por aon que circulan os trens.
En Espanya, as linias ferrias consideradas d'intrés publico son mesas en o Rete Ferroviario d'Intrés Cheneral d'alcuerdo con a Lei d'o Sector Ferroviario.[1] Manimenos, tamién i ha linias privadas y atras que son de titularidat autonomica.[1] As linias afectadas por o RFICh son administradas mayoritariament por Adif y por Adif AV.
S'ha de distinguir o concepto de linia ferria dende o punto d'envista d'infraestructura y o de linia comercial, como son as diferents linias de Cercanías u Meya Distancia, que pueden transitar d'una linia ferria ta una atra en o suyo recorriu sin que os viachers en tiengan conciencia.
Una mesma linia ferroviaria puede tener trachectos de vía unica y atros de vía doble en qualsiquiera d'as suyas modalidatz, y puede estar electrificada totalment u parcial, u no tener garra electrificación. Os sistemas de seguridat tamién pueden variar con o trachecto. Os bloqueyos tamién pueden estar diferents d'un trachecto pa un atro, adintro d'una mesma linia.
Linias en Aragón
Linias de ferrocarril convencional
- Linia 200 d'Adif: Madrit - Barcelona por Calatayú, Zaragoza, Monzón y Leida.
- Linia 210 d'Adif: Tarragona - Zaragoza por Reus, Móra d'Ebre y Caspe.
- Linia 204 d'Adif: Tardienta - Canfranc.
- Linia 610 d'Adif: Bifurcación Teruel - Sagunto por Teruel.
- Linia 700 d'Adif: Miranda de Ebro - Casetas por Castellón d'Ebro.
Linias d'Alta Velocidat
- Linia 050 d'Adif: Alta Velocidat Madrit - Zaragoza - Barcelona - Muga francesa.
- Linia 070 d'Adif: Camal Zaragoza - Uesca.
Referencias
- ↑ 1,0 1,1 (es) Ley 38/2015, de 29 de setiembre, del Sector Ferroviario en o BOE de 30/09/2015; consultada o 9 de marzo de 2019.