Zapo

De Biquipedia
Ir ta: navego, busca
Un zapo d'a especie Bufo bufo.

Zapo (Zap[1] en aragonés benasqués) ye una denominación popular ta qualques especies d'amfibios en a orden Anura lur caracteristicas agrupaderas son a piel berrucosa, habitos substancialment terrestres y que en tierra se desplazan caminando per cuentas de fer brincos como en altras especies. No ye una denominación que tienga garra valideza a nivel de taxonomía zoolochica.

As patas zagueras las i tienen más curtas y robustas que no las ditas «ranas», per lo que tienen menos capacidat saltadera (anque pueden fer brincos de poca lonchitut en comparanza con aquellas), y no gosan nadar tan rapedos.

Descripción[editar | editar código]

Os zapos son animals de normal nocturnos, terrestres, que deambulan por tierra cazando chicotz invertebratos que atrapan arrullando-les a luenga (que ye pegosa) en prochectando-la ta debant a gran velocidat, y retrayendo-la dimpuesas con a presa pegata.

Son más independients de l'augua que no as ranas, en podendo-se-ne dir leixos dica qualques kilometros, y no i acuden si que ta reproducir-se, pos como totz os anuros tienen fecundación externa y precisan de ficar os uevos en l'augua. Os masclos de muitas especies ranucan ta atrayer-se a las fembras.

Os zapos tienen fama d'estar animals pandos (ixo ye, poco áchils), pos a la contra que como fan as ranas, confían a suya protección en o mimetismo (solen tener a piel de color pareixita a la tierra por a on se gosan mover) y, si bell depredador ells descubre, transpiran substancias putideras a traviés d'a piel, debant d'as que os animals de taxia olfativa predominant (p. ex. a mayoría d'os mamiferos carnivoros) se sienten repelidos. Ixas subtancias a sobén tamién contienen components irritadors u de mala sabor ta causar-le memorias a l'animal que ells mosigue. En l'Alto Aragón, a fama de pandos d'istes animals se plasma en a expresión «fer o brinco'l zapo» que s'aplica en as cosas que se piensan muito d'antes de fer-las perque no se tienen mica seguras.

Imachens[editar | editar código]

Se veiga tamién[editar | editar código]

Vinclos externos[editar | editar código]

Referencias[editar | editar código]

  1. (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7