Xintoísmo

De Biquipedia
Ir ta: navego, busca

O xintoísmo u sintoísmo u xinto (d'o chaponés 神道, shintō, "camín d'os dioses") ye o conchunto de creyencias de l'archipielago chaponés que existen dende tiempos mui antigos. Son unas creyencias que se referen a la fecundidat, os ritos agrarios, y tamién a lo culto a los muertos y a unas divinidatz clamatas kami u espritos d'a naturaleza. Beluns en son mui locals y conoixitos como espritos u chenios d'un puesto en particular, belatros representan obchectos naturals mayors y procesos, como por eixemplo Amaterasu, a divinidat d'o Sol. Actualment, esta relichión ye dividita en un xintoismo culto, ligato a la casa imperial, y en unatro de popular, ligato a los santuarios y a lo interior d'as casas. Contina vichent en o Chapón actual y muderno.