Walia

De Biquipedia
Ir ta: navego, busca
Walia
Rei de los visigodos
Walia-rey-visigodo.png

Rei de los visigodos
415 - 418
Predecesor Sicherico
Succesor Teodorico I

Naixencia  ?
Muerte 418
Dinastía Baltingos
Pai Atanarico

Walia estió un sobirán de los visigodos que reinó dende l'anyo 415 dica l'anyo 418.

En l'anyo 416 Walia firmó un tractato con los romans, acceptando entrar a lo servicio de lo emperador Honorio y acomandando-li de sozmeter en nombre de Roma a los suebos, vandalos y alans que heban invadito la Peninsula Iberica en l'anyo 409. A cambio d'este servicio los romans se comprometeban a avituallar anyalment las tropas visigodas mientres durase la campanya. Tamién en virtut d'este tractato los visigodos tornoron a los romans a Gala Placidia[1]

En l'anyo 418 se firmó un tractato entre Walia y Constancio por lo que se permitiba a los visigodos d'establir-sen en las provincias d'Aquitania Secunda, Novempopulania y Narbonense Primera con Tolosa como capital. D'esta traza los visigodos conseguiban tierras de cautivo y ya no lis caleba avituallamiento román. Los visigodos quedaban luent de la costa mediterrania, en una zona periferica poco periglosa pa los romans, que manteneban baixo control la Via Dominitia que comunicaba Hispania con Italia.[1]

Mencions en fuents aragonesas[editar | editar código]

Walia ye mencionau en la "Cronica de los Conquiridors":

Et el Rey theodorico el q(u)al Regnaua en espanya sobre los videgodos qui era successor de ualia enuio al Rey theodorico patricio exercitu copioso contra el Rey adoatar.

Tamién lo mencionan en la traducción aragonesa d'"Historia contra los paganos" a la fin de lo libro:

Et apres Vallia succedio enel regno el q(u)al por esto era fecho delos Godos q(ue) q(ue)brantasse la paz et a esto era ordenado de dios q(ue) (con)firmasse la paz. Pues q(ue) assi es aq(ue)sti spantado por el iudicio de dios mayorme(n)t por q(ue) como enel a(n)nyo passado el se esforçasse de q(ue)rer passar en affrica co(n) grant poderio et huest d(e)los Godos bie(n) armada et fornida de Nauilios a xij. mill passos entrada dentro enel mar de Caliz fue sobrepresa et corrompida de tempestat enla mis(er)able exida perecida. Et encara reme(m)bra(n)do se de aq(ue)l otro p(er)dimie(n)to et mortaldat que auia(n) recebido diuso de Alarico q(u)ando (q(u)ando) los Godos se esforçaron de querer passar en cicilia et deua(n)t la p(re)sencia d(e)los suyos miserableme(n)t fuero(n) arrebatados et negados por las q(u)ales cosas el firmo muyt buena paz co(n) Honorio Emp(er)ador dados rehenes muyt nobles et escullidos. Et aplacida hermana del Emp(er)ador honorio la q(u)al el tenia (con)sigo honesta et honorableme(n)t Rindio al hermano. Et offrecio el su p(er)iglo ala seguridat Romana / q(ue) (con)t(r)a todas las ot(r)as ge(n)tes que por Spanya se huuiessen assentado el batallaria pora si et venceria pora los Romanos Como q(u)ier q(ue) todos los ot(r)os reyes d(e)los alanos et d(e)los vbandalos et d(e)los suenos aq(ue)lla misma pleytesia seyendo despechosos contra el fiziessen co(n) nos enbiando a dezir al Emp(er)ador honorio tales palauras.


Predecesor:
Sicherico
Rei de los visigodos
415-418
Succesor:
Teodorico I


Referencias[editar | editar código]

  1. 1,0 1,1 María Victoria Escribano Paño Los Godos en Aragón Cai100, 2000 pp27-29