Umberto Eco
De Biquipedia
Umberto Eco (Alessandria, Piemont, Italia, 5 de chinero de 1932) ye un escritor, semiotico e filosofo italiano, famoso mesmo por as suyas obras de fizión (destaca sobre tot en o campo d'a nobela) como por os suyos tratatos de semiotica.
Contenius |
[editar] Biografía
Naixito lo 5 de chinero de 1932 d'a poblazión d'Alessandria d'una familia que teneban 13 fillos, estudió Filosofía e Letras en a Unibersidat de Turín, á on que se doctoró. Ha treballato de profesor en diferents prestichiosos zentros, e dende l'año 1971 ocupa la catedra de semiotica en a Unibersidat de Bolonia. O reconozimiento d'o mundo d'a educazión superior fa que siga doctor honoris causa d'una trentena d'instituzions.
Estió denominato satrapa d'a patafisica por as suyas obras umoristicas, entre as que destaca Como biachar con un canguro, e por aber perfezionato una d'as suyas brancas, a cacopedia.
Altras destinzions lo fazioron que s'adubise la membresía d'o Consello de Sabios d'a UNESCO. Rezibió, en l'año 2000 o Premio Prenzipe d'Asturias de Comunicazión e Umanidaz.
Ha treballato tamién en os meyos de comunicazión como defusor cultural. As suyas pasions se zentran en a Edat Meya, as luengas e los clasicos. Curiosament, ye tamién un esperto en James Bond.
[editar] Obras más famosas
[editar] Nobelas
- Il nome della rosa (O nombre d'a rosa, 1980) - Nobela istorica que estió adaptata ta lo zine e se combirtió en un superbentas. Mezcla os elementos d'entriga con a erudizión meyebal e amana ixa epoca á lo present.
- Il pendolo di Foucault (O pendulo de Foucault, 1988) - Obra que muestra como tres treballadors d'una editorial s'atrapan en a suya propia fizión.
- L'isola del giorno prima (A isla d'o diya d'antes, 1994) - Un noble d'o sieglo XVII se troba atrapato en un yate en un fuso orario e reflexiona supre lo paso d'o tiempo.
- Baudolino (2000) - Nobela que esplica las abenturas d'un choben labrador adotato por un emperador, estruturata de traza parexita á la nobela picaresca.
- La Misteriosa Fiamma della Regina Loana (A misteriosa flama d'a Reina Loana, 2004) - Un ombre que pierde la suya memoria e mira de recuperar-la, recreyando los tiempos de chobentut d'o propio autor.
[editar] Obras assachisticas
- Opera Ubierta
- Diario menimo
- Kant e l'ornitorrinco
- Semiotica e filosofía d'o lenguache
- Arte e polideza en a estetica meyebal
- Os lemites d'a interpretazión
- Sieis gambatas por as selbas narratibas
- Lector in fabula
- Apocaliptica e integratos
- Sobre Literatura
- Mirando la luenga perfeta
- Istoria d'a polideza
- Istoria d'a fierura
[editar] Enrastres esternos
| Predezesor: Instituto Caro y Cuervo |
Premio Prenzipe d'Asturias de Comunicazión e Umanidaz 2000 |
Suzesor: George Steiner |
