Tramvía de Zaragoza

Linia 1

Academia General Militar Parque Goya Cocheras Juslibol Campus Norte  A-2  /  Z-40  /  E90  (Ronda Norte) Margarita Xirgú García Abril Legaz Lacambra Adolfo Aznar Clara Campoamor Pablo Neruda Rosalía de Castro León Felipe Martínez Soria María Montessori La Chimenea Río Ebro Murallas César Augusto Plaza España Plaza Aragón Río Uerva (túnel) ↑ Fase 2 / Fase 1 ↓ Gran Vía Bis Gran Vía Río Uerva (túnel baixo as vías) Goya Fernando el Católico Plaza San Francisco Emperador Carlos V Romareda  Z-30  (Tercer Cinturón) Casablanca Canal Imperial d'Aragón Argualas Cocheras Paseo de los Olvidados Los Pájaros La Ventana Indiscreta Cantando Bajo la Lluvia Un Americano en París Mago de Oz   Cercanías Zaragoza (Renfe) Transportes Urbanos de Zaragoza Consorcio de Transportes del Área de Zaragoza

O Tramvía de Zaragoza (en castellán Tranvía de Zaragoza) ye o rete tramviario de transporte publico existent en a ciudat de Zaragoza (Aragón).

O tramvía, que heba desapareixito de Zaragoza en 1976, fue reintroducito en a ciudad en 2011, dimpués d'un largo periodo de chestación, con a inauguración d'a primera fase d'a linia Valdespartera-Parque Goya (trampo Valdespartera-Gran Vía).

Historia

Rete antigo

Tramvía historico de Zaragoza, o numero 218, en o Museo Vasco d'o Ferrocarril.

Zaragoza disponeba d'un rete de tramvías dende 1885, a lo prencipio de tracción a sangre (tramvías de caballos), estando en 1902 quan se inauguró a primera linia electrificata. O rete historico teneba una destribución radial con centro en l'actual Plaza d'Espanya, un amplo de vía de 1.000 mm y una electrificación a 600 Voltios en corrient contina, y yera explotata por a interpresa Los Tranvías de Zaragoza S.A. (actualment Transportes Urbanos de Zaragoza S.A., TUZSA).

O rete zaragozano plegó a tener 17 linias de tramvía y alcanzó o suyo maximo esplendor en a decada de 1950, mientres que en a decada de 1960 comenzó a decayer con l'aparición d'as primeras linias d'autobús. O zaguer tramvía circuló o 23 de chinero de 1976, quan desapareixe a linia 11 Parque-San José.

Rete moderno

Tramvía de Zaragoza, modelo Urbos 3.

O prochecto d'a primera fase d'o tramvía se encargó a la unión temporal d'empresas (UTE) formata por Ingerop, Ayesa y Sering. Se presentó por primera vegata o 18 de chinero de 2008, y fue aprobato en pleno o 4 de noviembre de 2008.

A financiación se aprobó o 14 de chinero de 2009, estando un desembolso de 400 millons de euros, d'os que 130 fuoron aportatos por a Deputación Cheneral d'Aragón y l'Achuntamiento de Zaragoza. Se convocó un concurso ta la construcción d'a primera linia, a lo qualo se presentoron dos consorcios (lideratos por CAF y Alstom, respectivament). Finalment, o 10 de chulio de 2009 se adchudica a obra y explotación a o consorcio TRAZA, composato por CAF (25%), TUZSA (25%), FCC (16,6%), Acciona (16,6%), Ibercaja (11,8%) y Concessia (5%).

As obras prencipioron o 19 d'agosto de 2009, o primer vehículo (un Urbos 3 de CAF) plegó ta las cocheras o 26 d'octubre de 2010 y as prebas sin pasachers d'a primera fase comencipioron l'1 de noviembre. O 18 de febrero de 2011, prencipió a marcha en blanco, prebas en vacío simulando un día normal; a partir d'o 4 d'abril prencipioron as prebas sin pasachers (servicio gratuito) y o 19 d'abril se ubrió a o publico oficialment.

Se veiga tamién

• Transportes Urbanos de Zaragoza.
• Cercanías Zaragoza.

Vinclos externos

• Se veigan as imáchens de Commons sobre o tramvía de Zaragoza.
• www.TranviasDeZaragoza.es, web oficial d'os Tramvías de Zaragoza.
• Plan Municipal de Movilidat.