Tractato de Guadalupe Hidalgo

De Biquipedia
Ir ta: navego, busca
En color roya, os territorios ceditos por Mexico a los Estatos Unitos seguntes as clausulas d'o Tractato de Guadalupe Hidalgo.

O Tractato de Guadalupe Hidalgo ye un tractato internacional sinyato o 2 de febrero de 1848 y que remató a guerra entre Estatos Unitos y Mexico, a Primera Intervención Estatounitense en Mexico, que heba prencipiato en 1845 quan o Congreso d'os Estatos Unitos votó a favor de l'anexión de Texas, que yera un territorio sublevato contra Mexico y que heba proclamato a suya independencia.

Seguntes ixe tractato, Mexico recibiba 15 milions de dólars, y cedeba a los Estatos Unitos un gran territorio d'una superficie d'1.360.000 km², que yera a mayor parte d'os estatos mexicans de l'Alta California y de Santa Fe de Nuevo México. Istos territorios son hue os estatos estatounitenses de California, Nevada y Utah, amás d'as dos terceras partes septentrionals d'Arizona y partes de Colorado, Nuevo Mexico y Wyoming.

Antiparte, por iste tractato Mexico reconoixeba a incorporación como estato d'os Estatos Unitos d'a Republica de Texas y amás li cediba bells territorios situatos a l'este d'o río Grande y d'o meridián 107, que Texas reivindicaba a Mexico dende a suya independencia en 1836. Istos territorios son hue a parte occidental de Texas, amás de parte de Colorado, Kansas, Nuevo Mexico, Oklahoma y Wyoming.

O nombre oficial en anglés d'o tractato ye Treaty of peace, friendship, limits, and settlement with the Republic of Mexico.

Vinclos externos[editar | editar código]