Tilia
De Biquipedia
| Tillera | ||||||||||||||||
|---|---|---|---|---|---|---|---|---|---|---|---|---|---|---|---|---|
 Tilia Platyphyllos, en florada con as tillas creixendo-ie |
||||||||||||||||
| Clasificazión zentifica | ||||||||||||||||
|
As tilleras u tillers/os (zentificament, chenero Tilia) son un chenero d'árbols en a familia d'as Malvaceae, que enantes s'eba comprenditos en una familia propia, dita Tiliaceae e en l'autualidat desestimata, que son propios d'as rechions templatas d'o hemisferio norte. Se i comprenden una trentena d'espezies, naturals totas d'Europa, Asia e la parte oriental de Nortamerica. Tamién son caultibatas en o hemisferio sur con motibos ornamentals. Como tamién pasa con altros cheneros d'árbols (como Quercus), esisten muitos ibridos naturals e ixo ne complica muito la claseficazión d'as espezies.
Totas las espezies son caduzifolias, con fuellas cordiformes (ixo ye en «forma de corazón», como los coplos) con o canto serrato. As fuellas gosan fer dica 20 cm d'amplo en cualques espezies d'este chenero. A follambre ye berde en a faz, e blanca tomentosa (ixo ye zerruta, con pels chiquez e finos) en o embés. As flors d'estes árbols son muito aromaticas, chicotas e amariellas, e creixen en carrazez penchatas d'una bractea alongata. As flors d'as tilleras se conoixen como tilla e s'emplegan ta fer-ne infusions.
[editar] Espezies
- Tilia americana
- Tilia amurensis
- Tilia begoniifolia
- Tilia caroliniana
- Tilia chinensis
- Tilia chingiana
- Tilia cordata
- Tilia dasystyla
- Tilia henryana
- Tilia heterophylla
- Tilia hupehensis
- Tilia insularis
- Tilia intonsa
- Tilia japonica
- Tilia kiusiana
- Tilia mandshurica
- Tilia maximowicziana
- Tilia mexicana
- Tilia miqueliana
- Tilia mongolica
- Tilia nobilis
- Tilia occidentalis
- Tilia oliveri
- Tilia paucicostata
- Tilia platyphyllos
- Tilia rubra
- Tilia tomentosa
- Tilia tuan
- Tilia platyphyllos
Ibridos e cultibars
- Tilia × euchlora (T. dasystyla × T. cordata)
- Tilia × europaea (T. cordata × T. platyphyllos; sinonimo de T. × vulgaris)
- Tilia × petiolaris (T. tomentosa × T. ?)
- Tilia 'Flavescens' (T. americana × T. cordata)
- Tilia 'Moltkei' (ibrido, orichen desconoixida)
- Tilia 'Orbicularis' (ibrido, orichen desconoixida)
- Tilia 'Spectabilis' (ibrido, orichen desconoixida)
