Tasca de montanya

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo ye sobre a tasca como extensión de hierba en l'alta montanya. Pa atros usos leiga tasca.
Tascas verdes en Sensa, contrastando con os cinglos calsionosos y a una foz fluvio-karstica en o Parque Nacional d'Ordesa.

Una tasca ye un prau d'alta montanya con hierba curta, densa y fuerte. Bi ha tascas naturals en o piso alpín por d'encima d'o livel de presencia d'árbols y arbustos d'o piso subalpín. Manimenos tanto l'acción desforestadera de l'hombre como as regresions ecolochicas causadas por os movimientos de ladera u os incendios forestals permiten que bi haiga tascas en livels a on a vechetación natural sería una selva.

A hierba de tasca ye pastura pa o bestiar transhumant que puya en primavera pa pasar o verano en as estivas. Tamién bi ha tascas a on que a vechetación natural no ye aproveitable.

Denominacions derivadas de tasca en o suyo sentiu de tasca de montanya tenemos:

  • Tascal, que significa "terreno con poca extensión cubierto de tasca" en l'aragonés de Sobrepuerto y "zona improductiva y pedregosa" en chistabín.
  • Tasquizal, que ye en cheso un prau natural gran.
  • Tascalón, una chicota extensión cubierta por tasca.

Veyer tamién[editar | modificar o codigo]