Tanga

De Biquipedia
Ir ta: navego, busca
Muller con tanga

Una tanga ye una pieza de ropa interior de dimensions raditas que tapa minimament a parti debantera d'o pubis y que deixa descubiertos os glutios.

Consiste en un trianglo, feito de tela u cuer, que s'alarga con una beta per cadagún d'os tres vertices, dica encertar-se en un punto que, en posar-se-la, se sitúa a la rematanza d'o esquinaz. A tanga propiament dita adhibe un altro trianglo chiquet que queda en a parti d'adezaga, chusto en o rancadero d'os glutios. Ta diferenciar-las, a la que no leva o trianglet posterior li'n dicen tanguita (tangueta). A vegatas ye clamata, coloquialment, "fil dental". Tampoco no s'ha de trafucar con a tanga brasilense, que consiste en dos trianglos simetricos, un per a parti frontera y l'altro per a zaguera.

Etimolochía[editar | editar código]

O més probable ye que a parola tanga, que se fa servir en totas as luengas d'a peninsula Iberica, i plegase per meyo d'o portugués procedent de bella luenga africana como la suahili.

Oríchens[editar | editar código]

Piezas de ropa pareixitas a las que huei se conoixen como tanga s'han emplegato dende fa sieglos, y continan emplegando-sen, per diferents pueblos d'Africa, America d'o Sur, o sureste asiatico i o Pacifico, con a fin de tapar y protecher os organos sexuals d'os dos sexos, en o que se conoix con a parola castellana taparrabos ("tapacodas").

Encara que os danzaires d'estriptís l'heban portata con anterioridat, l'uso d'a tanga ganó popularidat en Occident en as plachas brasilenses en a decada de 1970. Con os abances en l'aliberación d'os costumbres en o respective a la libertat sexual, a pieza ha ito introducindo-se en tot lo mundo occidental.

Popularidat[editar | editar código]

En a decada de 2000, a proliferación d'a tanga como pieza intima de consumo ye estata meteorica, y se ye tornata un elemento destacato como pieza erotica y de fetichismo sexual. O feito que no se marque per debaixo d'os pantalons ha contrebuito a un uso més regular de ropa cenyita en a muller. Encara que o suyo uso ye mayoritariament femenino, tamién se ye encorporata a la vestimenta intima masculina.

As zagueras tendencias d'a moda chovenil han dato encara més protagonismo a la tanga, a o estremo de deixar-la visible per a parti posterior d'o cuerpo aproveitando l'aparición d'os pantalons de cintura baixa.

Tota ista popularidat no ye exenta de polemicas y descusions ocasionals en a sociedat en o tocant a l'uso d'a prenda en bells puestos publicos u per parti de misachas cada vegata més chóvens.

Se veiga tamién[editar | editar código]