Dallabarzas
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O dallabarzas, tallabarzas u rancabarzas ye una ferramienta d'a familia d'as falces, dallos y falzons que s'emplega ta dallar o naixedero d'as matas de broza d'arbustos y plantas que fan pestes en os campos como en o caso d'as barzas, que ye d'a on dimana lo nombre suyo.
A estructura d'o suyo tozuel ye d'un falzón de punta arronchata, que concentra la capacidat de tallar en o canto interior. A sobén, tiene un «dido» de metal per a parte posterior d'a fuella, que sirve ta enforcar a brazata que se ye arrancata, u ta fer-ie destroz en o corazón d'a mata cuan se mete la ferramienta en ixa y se bate per dintro mirando de fer-le lo mas mal que estiga posible. O tozuel ye enarbrato en un astil luengo que permite d'emplegar-lo con menos periglo de punchar-se con as sargas sueltas d'a planta.