Sarga
De Biquipedia
Una sarga u berduco ye una bareta bechetal, branca periferica d'as espezies á on que éstas son flexibles e resistents, e sin de guaire fuellas (p.ex, a sarguera), a cual se puet ixucar ta treballar-la, u emplegar-la ta ligallar cosas.
As sargas d'a sarguera (Salix purpurea e semilars), planta que tien ixe nombre per a forma d'as suyas brancas, s'han emplegato de siempre ta mutas funzions, pero estan espezialment destacables ta fer es nudos d'a nabata, que han de mentener es trallos chuntos ta fer-se ra embarcazión.
A preparazión d'ixas sargas ye lenta perque s'han de mantener á baixo de l'augua á mientres d'un par de semanas ta mirar d'ablandar-las de tot e se fan maleables ta ra suya faina. En o Baxo Aragón esto se fa en albercas.
Localment, en as balles d'Echo e Ansó, a parola sarga ye un sinonimo local de barza (Rubus ulmifolius).
