Taekwondo
De Biquipedia
O taekwondo u millor taegwondo[1], pronunziato en aragonés como Taicuondo, ye un arte marzial d'orichen coreano, pro parexito á lo karate chaponés. Pende de l'uso d'as mans e piez t'atacar u contrarrestar á un enemigo. O taekwondo ye un esporte nazional en Corea d'o Sur, kyeorugi ye un escayeximiento esportibo en os Chuegos Olimpicos. En l'alfabeto coreano hangeul, tae (跆) senifica trucar con o piet; gwon (拳) trucar con a man; e do (道) senifica camín u bia. Taekwondo se traduze á sobent por "camín d'o piet e d'o puño".
O taekwondo tien una gran tradizión aintro d'as artes marzials coreanas (alto u baxo 2000 años), manimenos a suya forma autual tien només que uns 50 años. Güei en diya ha esdebenito un esporte mui estendillato. En os Chuegos Olimpicos de Seúl 1988 e de Barzelona 1992 esdebinió un esporte olimpico de esibizión e autualment ha esdebenito esporte olimpico de competizión.
Un d'os exerzizios más importants ye a reyalizazión de pumses (katas en terminolochía de karate). Os pumses son secuenzias de mobimientos de esfensa e ataque que simulan una batalla con bels enemigos, e son relazionatos dreitament con os diferents graus de zinturons. Se fan con l'ocheto d'incrementar o equilibrio, a elastizidat, a belozidat e o dominio d'os diferents mobimientos.
[editar] Notas
- ↑ Seguntes a trascrizión ofizial d'o coreano en alfabet latin establexita en Corea d'o Sur.
[editar] Enlazes esternos
- (ca) Federazión Catalana de Taekwondo
- (en) American Taekwondo Association (ATA)
- (es) Federazión chilena de Taekwondo (WTF)
- (es) Federazión canaria de Taekwondo
- (es) Asoc. Escuela Mendocina de Taekwondo, Archentina (WTF)
