Soziedat de Lingüistica Aragonesa
De Biquipedia
 |
Iste articlo tien una bersión escrita con a grafía d'a SLA. Puede beyer-se aquí. |
 Esta fuella ye escrita en ribagorzano. |
La Sociedat de Lingüistica Aragonesa u SLA (en grafía de Uesca: Soziedá [-dat] de Lingüistica Aragonesa) ye una asoziazión que s'adedica á la promozión de la llengua aragonesa á trabés de la investigazión zientifica en lingüistica. Se fundó en el 2004.
La motibazión de la creazión de la SLA ye l'ambizión d'un treballo zientifico d'alta cualidat: se presenta como una alternatiba al treballo del Consello de la Fabla Aragonesa (CFA) que, seguntes la SLA, presentaría grans mancanzas de rigor.
La SLA elabora una codificazión de l'aragonés, dita grafía SLA, que ye un modelo diferent de la grafía de Uesca promozionada per el Consello de la Fabla Aragonesa (CFA). La grafía SLA se preocupa de la conesión de l'aragonés con las normas de las atras llenguas romanicas, espezialment del catalán y de l'oczitano. Ye la base d'una posible estandardizazión futura de l'aragonés que tenería en cuento un conoximiento serio de la dialeutolochía aragonesa y que sería una alternatiba al modelo d'"aragonés común" del CFA, estimau artifizial per la SLA.
La SLA edita la rebista De Lingva Aragonensi con la boluntat d'amillorá y dinamizá las publicazions zientificas sobre l'aragonés.
Tamé los lingüistas de la SLA partizipan regularment en varios coloquios y rebistas internazionals de lingüistica.
El president de la SLA ye el lingüista benasqués José Antonio Saura Rami.
