Sistema de Posicionamiento Global

De Biquipedia
Ir ta: navego, busca
Satélite NAVSTAR GPS.

O Global Positioning System (GPS) u Sistema de Posicionamiento Global (millor conoixiu con as siglas GPS, encara que o suyo nombre completo ye NAVSTAR-GPS)[1]. ye un Sistema Global de Navegación por Satelite (GNSS) que permite determinar de traza contina y en qualsiquier puesto d'a Tierra a posición d'un obchecto, presona, vehíclo u nau que portíen un receptor GPS con una exactitut de bells metros (encara que os receptors de GPS diferencial fan posible d'obtener una precisión de centimetros). Amás d'a posición, o sistema GPS permite conoixer o tiempo con gran precisión.

O GPS funciona con un rete de 27 satelites (24 operativos y 3 de respaldo) en orbita arredol d'a Tierra, a una altaria de 20.200 km, con trachectorias sincronizadas ta cubrir toda a superficie d'a Tierra. Ta determinar a posición, un receptor ha de recibir o sinyal d'a lo menos 4 d'os satelites d'o rete GPS. Istos sinyals permiten calcular a posición y o reloch de cada satelite, y d'ista traza, sincronizar o reloch d'o receptor GPS y medir o retardo de propagación d'os sinyals dende que fueron transmesos en o satelite dica que son plegaus en o receptor. Como iste retardo ye proporcional a la distancia entre o receptor y o satelite, se puet emplantillar un problema de triangulación (u millor dito, de trilateración): conoixendo as coordenadas d'os satelites y as distancias dende o receptor enta os satelites, se puet resolver a posición d'o receptor, y o tiempo medido en os reloches atomicos que carrían os satelites.

L'antigua Unión Sovietica teneba un sistema similar, o GLONASS, que hue ye chestionau por a Federación Rusa. Consta de 24 satelites disposatos en 3 orbitas de 8 satelites cadaguna, situatas a 19.100 km d'altaria.

Hue a Unión Europea ye desembolicando o suyo propio sistema de posicionamiento por satelite, clamau Galileo, como alternativa civil a lo GPS estatounitense y o GLONASS ruso, d'orichen melitar. Se tracta d'una flota de 30 satelites que se situarán en 3 orbitas circulars arredol d'a Tierra, inclinatas 56º respecto a lo eqüador y a una altaria de 23.000 km.

Referencias[editar | editar código]

  1. NAVigation System and Ranging - Global Position System