Silicatos (minerals)

De Biquipedia
Ir ta: navego, busca
Un tetraedro con os atomos d'oxichén en os vertices y o silicio en o centro, a part més simpla d'a estructura d'os silicatos

Os silicatos son un grupo de minerals formatos por silicio combinato con oxichén formando tetraedros y asobén aluminio y atros elementos metalicos. En a clasificación de Strunz corresponden a la clase VIII. Os silicatos son os minerals mayoritarios en a crosta terrestre (95 %) , son mayoritarios en as rocas metamorficas, as rocas ignias y en bells grupos de rocas sedimentarias. Tamién son mayoritarios en o manto superior y en as partz externas y meyas d'os planetas rocosos, asinas como en bells asterioides.

Os tetraedros de SiO44+ presentan os oxichens en os vertices y un catión silicio en o centro; a unión entre o silicio y os oxichens ye por un enlace con caracteristicas intermeyas entre covalent y ionico.

Dependendo d'a disposición y combinacions entre os diferents tetraedros y os cations que bi haiga entre meyo os silicatos se clasificarán en diferents grupos:

  • Nesosilicatos, tetraedros sin contacto entre ells pero unitos a cations en contacto con atros tetraedros.
  • Sorosilicatos, tetraedros unitos en parellas sin contacto entre ellas, pero unitas a cations que tienen contacto con atras parellas de tetraedros.
  • Ciclosilicatos, tetraedros unitos formando estructuras en forma d'aniello.
  • Inosilicatos, tetraedros formando rengleras u cadenas que pueden estar simples (piroxens) u dobles (anfíbols).
  • Filosilicatos, tetraedros formando plans que son apilatos. N'este grupo se troban as micas y os minerals de l'archila.
  • Tectosilicatos, tetraedros unitos totz con totz en totas as direccions d'o espacio y formando un tarabidato. N'este grupo se troban os feldespatos y o quarz.