Sikhismo

De Biquipedia
Ir ta: navego, busca
Articlo d'os 1000
Templo sikh.

O sikhismo (en parsi ਸਿੱਖੀ, sikkhī, ) ye una relichión d'orichen indián que se desarrolló en o contexto d'o conflicto entre as doctrinas d'o hinduismo y o islam. Os seguidors d'o sikhismo se dicen sikhs.

O termin sikh significa en penchabí "disciplo fuerte y cerrino". A doctrina alazetal d'o sikhismo pende d'a creyencia en un dios unico y en as amostranzas d'os Diez Gurús d'o sikhismo, replecatas en o libro sagrato d'os sikhs, o Guru Granth Sahib. O sikhismo combina o monoteísmo estrito, d'orichen musulmán, con tradicions indianas.

O numero de sikhs en o mundo ye d'alto u baixo bells 23 millons, o qualo fa que o sikhismo sía la cinquena relichión mundial. Bells 19 millons viven en India, y a mayor parti d'istos, en o estato de Penchab. A rechión de Penchab incluye tamién una parti de Pakistán, pero a mayor parti d'os sikhs que viviban en o territorio actual de Pakistán emigroron ta India dimpués d'a división d'a India britanica en 1947 ta evitar as persecucions relichiosas. Existen numerosas comunidatz sikhs en o Reino Unito, en Estatos Unitos y en Canadá. Tamién son una minoría important en Malaisia y Singapur.

A forma literaria d'a luenga penchabí, escrita en alfabeto gurmukhi, ye mui ligata a la relichión sikh. Os fablants de penchabí hindús u musulmans emplegan cheneralment l'indi y l'urdu, respectivament, como luengas escritas, y son prencipalment os sikhs quí escriben en penchabí.

Etimolochía d'o nombre[editar | editar código]

A palabra «sikh» provién d'a palabra en sanscrito शिष्य (śiṣya), que significa disciplo u estudiant, u de शिक्ष (śikṣa), que significa estudio u instrucción.[1]

Vinclos externos[editar | editar código]

Referencias[editar | editar código]

  1. Singh Khushwant, The Illustrated History of the Sikhs, Oxford University Press, 2006, p. 15, ISBN 0-19-567747-1