Segundo Concilio de Nicea

De Biquipedia
Ir ta: navego, busca
Representación d'o Segundo Concilio de Nicea, una obra d'o sieglo XI.
Ilesia de Hagia Sophia en Nicea, a on se celebró o Segundo Concilio de Nicea.

O Segundo Concilio de Nicea se celebró dende o 24 de setiembre dica o 13 d'octubre de 787 en Nicea (Bitinia, Asia la Chica). Fue convocato por a Irene, alavez rechent de Costantín VI. Os participants més importants de l'asambleya estioron Adrián I, os legatos apostolicals: l'arcipreste román Pero y l'archimandrita d'o monesterio de Sant Saba y o patriarca de Costantinoble Tarasio. Ye nombrado en o "Libro de los Emperadors"

O concilio fue convocato a radiz d'a controversia iconoclasta, que encomenzó con o emperador León III o Isauro en l'anyo 726.

Aprés la muert del dito Pavlo, el emperador esleyó patriarca aquel famoso Tarasio, el cual era aquella ora secretario de palacio, la cual elección fue laudada e firmada de la universidat de Contastinoble. Mas Tarasio non la quería aceptar, diziendo que non quería seyer ensemble prelado e tiranno de la esglesia, mientre que durás aquel cisma. Mas fue constreito del emperador e de la universidat de acceptar la dita elección e de puyar en la dignidat patriarcal. E dixo < si vos me prometedes de fazer universal sínoda ad Avinyón de la santa Esgleya, yo acceptaré; otrament no >. E aquesto le fue prometido del emperador e de tos los otros, e aquella ora consentió e fue consagrado patriarca aquel santo hombre Tarasio.
Aprés, el dito patriarca e el emperador enviaron a Roma embaxadores, seyendo papa en Roma Adriano. E semblantment enviaron a todos los patriarcas e prelados que fuessen o enviassen sus procuradores a Un sínodo ante el papa Adriano mandando por la dita cisma; e seyendo todos los prelados, vispes, arcevispes, patriarcas e muitos otros de Bitinia, fue allá Tarasio, patriarca de Contastinoble. E fue celebrado la setmana santa. En el cual universal sínodo fue declarado que las santas imágines fuessen por los fieles cristianos adoradas, pronunciando por sentencia sinodal las demandas feitas por los patriarcas de Contastinoble consintientes de tal eretgía, es a saber, Anastasio e Costancio; e fue escripta la determinación sancta por los santos padres en aquella santa semana en universal sínodo. Fueron todos ensemble a Contastinoble; e, plegados en el palacio imperial, present el emperador e toda la clerezía e nobles de la ciudat, fue leída e publicada la sentencia declaratoria dada por los santos padres, la cual sentencia fue signada por el emperador. E en tal manera tornaron las imágines a la sancta Eglesia con grant reverencia, adorándolas devotament como nantes.