San Inazio de Loyola
De Biquipedia
| San Inazio de Loyola | |||
|---|---|---|---|
 |
|||
| Nombre: | San Inazio de Loyola | ||
| Apodo: | {{{apodo}}} | ||
| Naximiento: | 24 d'abiento de 1491 Loyola, Guipuzcua |
||
| Muerte: | 31 de chulio de 1556 Roma, Italia |
||
| Festibidat: | 31 de chulio | ||
| Benerado en: | {{{benerato en}}} | ||
| Simbolochía: | |||
| Patrón: | País Basco, soldatos, diozesis de Bilbao, chesuitas, Bizcaya. | ||
| Zentro: | {{{puesto pelegrinazión}}} | ||
| Ordens: | {{{orden}}} | ||
| Biatificazión: | {{{biatificazión}}} | ||
| Canonizazión: | 22 de mayo de 1622 por Gregorio XV | ||
| Cuestions: | {{{custions}}} | ||
San Inazio de Loyola S.J. (Loyola, Azpeitia, Guipuzcua, 1491 - Roma, 1556) ye o nombre con o que se conoxe á Íñigo López de Loyola, fillo d'una familia noble e poderosa, estió un caballero basco fundador d'a Compañía de Chesús.
Yera o más choben d'os güeito fillos e tres fillas d'una noble parella. O suyo pai, Bertrán, yera siñor d'Ofiaz e de Loyola, una d'as familias más antigas e nobles d'a rechión e a suya mai yera Marina Sáenz de Licona e Balda.
Melitar de profesión, dica 1517 en a corte de Ferrando II d'Aragón, allora tamién 0rechent de Castiella, á lo serbizio d'o contador mayor d'o rei, Velázquez de Cuéllar. Dica 1521 sirbe á lo duque de Nájera, birrei de Navarra, año en que colaborando en a esfensa d'o castiello de Pamplona asediato por o rei de Franziaa, o día 20 de mayo estio ferito en a garra dreita por una bala de cañón e nimbiato ta Loyola, á on ye combalezient.
Mientres d'o tiempo que ye en cama en Loyola leye libros d'a bida de Chesús. Tien tamién una bisión d'a Birchen con o nino Chesús que le fa prener a dezisión de albandonar a bida melitar e prenzipiar una nueba bida como relichioso. Dimpués d'uns exerzizios esprituals en o Monesterio de Montserrat en Barzelona (25 de marzo de 1522) biacha ta Roma e o 4 de setiembre de 1523 ta Cherusalén.
Cuan torna de Tierra Santa, por consello d'a suya amiga Isabel Roser, prenzipia os estudios unibersitarios de teolochía e latín en a Unibersidat d'Alcalá de Henares en 1527. Más tardi se treslada ta Salamanca, anque ye engayolato por charrar d'os suyos Exerzizios Esprituals en publico e cuan ye en libertat dezide tresladar-se ta París á on remata en a unibersidat os suyos estudios de teolochía e literatura.
Astí en Montmartre e chunto á los suyos seguidors, Pedro Faber, Francho de Xabier, Alfonso Salmerón, Jacobo Laínez, Nicolás Bobedilla e o portugués Simón Rodrigues, dezide fundar a Soziedat de Chesús, más tardi Compañía de Chesús. O Papa Pablo III les dió l'aprobazión e les premitió fer-se mosens en Benezia o 24 de chunio de 1538.
O mesmo Papa Pablo III por meyo d'a bula Regimini militantis (27 de setiembre de 1540), aprueba la creyazión d'a compañía con un limite d'o numero d'o suyos miembros de sisanta dica que aparixe a bula Injunctum nobis (14 de marzo de 1543) que premite un numero indefinito de miembros. D'ista traza naxeba la Societas Iesu, Compañía de Jesús u más conoxita como los Chesuitas. Inazio de Loyola estió esleyito superior d'a orden e os suyos Exerzizios Esprituals publicatos en 1548, abiendo bels problemas con a Enquesizión.
Muere en Roma o 31 de chulio de 1556.
