Piqueta

De Biquipedia
Ir ta: navego, busca
Este articlo tracta sobre as piquetas que son acumulacions chiquetas de melanina en a piel. Ta la ferramienta se veiga Piqueta (ferramienta).
Una nina con piquetas en a cara.

As piquetas u piguetas (en terminolochía dermatolochica Efélides) son acumulacions pigmentarias (picas) chiquetas en a piel que gosan apareixer, més que més, en grant numer en as presonas de fenotipo cutanio claro, en arias concretas d'o cuerpo como pueden estar a cara, os huembros u lo peito. Apareixen en os ninos, persistindo en a mayoría d'a vida, y se gosan ausudir con os anyos, con tendencia a desapareixer en as presonas d'a tercera edat. L'adchectivo que s'aplica en as presonas con picas ye «picuto» u «pecuto»,[1] anque se fa lochico pensar que en as variants dialectals aragonesas que sonorizan as consonants oclusivas xordas intervocalicas i podese estar «pecudo» y «picudo»,[2] u dica «pigudo»[3] en as zonas en dó que se i diz «piga».

A predesposición a tener-ne ye chenetica, y s'ha quiesto relacionar-la con a presancia d'una variant d'o chen d'o receptor d'a melanocortina-1, MC1R. Amaneixen con a exposición a lo sol en as presonas con a dita variant chenica, en seguindo lo mesmo proceso que en a producción de moreno común en a resta d'as presonas.

Se veiga tamién[editar | editar código]

Vinclos externos[editar | editar código]

Referencias[editar | editar código]

  1. (es) ELCOCK, William Dennis, Algunas afinidades fonéticas entre el aragonés y el bearnés (traducción de l'orichinal de 1938); Xordica Editorial. Zaragoza, 2005. ISBN 978-84-96457-09-5
  2. Bariant conoixida en A Buerda (val d'a Cinca, Sobrarbe), en dó que se diz o castellanismo «peca» (no ye una parola guaire antiga en o Sobrarbe, probablement perque sostituye a la forma autoctona «pica» que se decumenta en altros lugars d'a comarca), pero encara se i dicen «piquetas» as efélides.
  3. Variant que podría conoixer-se, anque ofreix dudas, en a val d'A Fueba (Sobrarbe), en dó que i dicen tamién «piga» y «pigueta», y no pas «pica» y «piqueta».