Oficalcita

De Biquipedia
Ir ta: navego, busca
Oficalcita polita con a textura caracteristica bien visible, provinient d'a Val d'Aosta, o suyo nombre comercial ye Gressoney en Estatos Unitos.

A oficalcita ye una variant d'a serpentinita, roca metamorfica de color verde escura que presenta como mineral principal a serpentina y que resulta por un regular d'o metamorfismo de rocas ignias ultrabasicas como a peridotita.

Composición[editar | editar código]

O mineral principal ye a serpentina, pero tamién pueden mantener-sen os minerals princpals d'a roca orichinal como l'olivín, piroxén y o granat piropo. Entre os cantos trobamos carbonatos, por un regular dolomita, pero tamién magnesita u calcita.

Os minerals accesorios son o talco, magnetita y clorita. Os minerals accidentals son os anfíbols.

Textura[editar | editar código]

A textura ye catablastica, os cantos son predominantment de serpentina y a madriz ye de carbonato.

Aplicacions[editar | editar código]

Incrustacions en márbol blanco y verde di Prato en Badia fiesolana.

As variants de serpentinita verde con textura catablastica que se fan servir muito como roca polita pa cubrir as fronteras d'os locals comercials u como richuelas; lur denominación en medios scientificos ye d'oficalcita, pero tradicionalment s'han dito verd antique en francés y anglés. Os romans diciban lapis atracius a la oficalcita y n'obteneban especialment de Casambala, a man de Larissa, en Tesalia. Actualment presentan diferents nombres comercials y muitas d'ellas provienen d'Italia: verde di Prato, ranocchiaia (provinients d'os Apenins), verde di Varallo, verde di Susa, verde di Polcevera (provinients d'os Alpes). En Espanya se puet trobar oficalcita en a pedrera de Macael (Almería), y se comercializa con o nombre de verde Macael, pero atras oficalcitas se venden con o nombre comercial de mármol verde jardín, y en Estatos Unitos como Gressoney, fendo referencia a dos localidatz d'a Val d'o Lys (Val d'Aosta).