Mar de Banda
De Biquipedia
A mar de Banda ye una mar de l'Ozián Pazifico, en Asia sudozidental, compartita por os países d'Indonesia y Timor Oriental, y situata entre os archipielagos de Sulawesi (u as Zelebes), as Molucas y as islas d'a Sonda. Rezibe o suyo nombre por as islas Banda, un grupo d'islas bolcanicas d'Indonesia.
Abarca una superfizie de unos 695.000 km², con 1.000 km d'este à ueste y de unos 500 km de sur á norte. Cheograficament, fa parte de l'Ozián Pazifico, encara que ye separato d'ixe ozián por bels zentenars d'islas y por os mars de Halmehera e Seram. A mar de Banda comunica con o mar d'as Molucas, o mar d'a Sonda y o mar de Timor.
A suya profundidat macsima ye de 7.440 m, á man d'as islas Kai.
En ixa rechión bi ha a sobent tierratremos, por a confluenzia de tres placas tectonicas, a placa tectonica d'Eurasia, a placa tectonica d'o Pazifico y a placa tectonica d'Australia. Asinas, un tierratremo o 1 de febrero de 1938 tenió una magnitud de 8,5 en a escala Richter.
