María la Jabalina
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| María Pérez Lacruz | |
|---|---|
| Información personal | |
| Naixida o: | 3 de mayo de 1917 |
| Naixida de: |  Teruel (Aragón)
|
| Muerta o: | 8 d'agosto de 1942 |
| Muerta en: |  Paterna (Espanya)
|
| Ocupación: | Anarquista |
María Pérez Lacruz, naixita de Teruel (Aragón) lo 3 de mayo de 1917, mas conoixida por o suyo pseudonimo de La Jabalina por promanar a suya familia d'a redolada de Chabaloyas (en castellano Jabaloyas), yera una anarquista afusilada por o franquismo.
Biografía[editar | modificar o codigo]
En declarar-se o golpe d'estato que dio puesto a la Guerra Civil Espanyola y con solament decinueu anyadas d'edat, María s'incorporó a la clamada Columna de Fierro en favor d'a legalidat republicana en Sarrión, an participó como que enfermera en a creyación d'un hespital d'o frent. Dimpués, entre a Batalla de Teruel, estió ferida en Puerto Escandón. Dimpués de cuasi seis meses en o Hespital Provincial de Valencia remanió en retaguarda, treballando en a siderurchia de Murviedro, y dimpués en Cieza por breu tiempo en tresladar-se astí cualques treballos d'a siderurchia. Rematada a guerra con a victoria d'o bando sublevau, estió aturada por a Guardia Civil o 23 d'abril de 1939, estando emprenyada.
Dimpués d'amprar declaración en a cual se le interrogó sobre qui yeran con ella en a Columna de Fierro y qui cometioron asasinatos y furtos en Sarrión, estió rapada y paseyada, y dimpués mesa en libertat. Estió clamada a declarar de nuevo en zaguerías de mayo, negando-se a ratificar a declaración que le ye leita por un capitán chuez militar alegando que i hai contenius que no son ciertos. Estió mesa en libertat y o día siguient, 31 de mayo, estió aturada y engarcholada en a garchola d'o Puerto de Sagunto sin acusación beluna.
O 28 de chulio de 1942 estió sozmetida a un consello de guerra que la trobó culpable por as malfeitas de «adhesión a la rebelión» y «desafección a o Movimiento». Estió afusilada en o fosal de Paterna diez días dimpués chunto a un grupo de seis hombres.
Bibliografía[editar | modificar o codigo]
- (es) Manuel Girona Rubio: Una miliciana en la Columna de Hierro : María "La Jabalina", Universitat de València, 2007, ISBN 978-8437066561.