Mahābhārata
O Mahābhārata ye a la vegata una epopeya literaria y un libro relichioso d'a India. No ye guaire platera la calendata de creyación d'a obra, que replega una tradición oral, pero se calcula que como minimo tien bells 2.600 anyos
Ye escrito en sanscrito y o tetulo puet ser tradueito como: "A gran India" (Bharat significa India). Tradicionalment se considera que l'autor ye un d'os protagonistas secundarios Krishna Dwaipaiana Vyasadev. A versión completa contiene mas de 100.000 versos muit curtos, estando 4 vegatas mas extensa que a Biblia.
O Mahābhārata ye una historia de reis, sabios, dioses y diaples y aduya a instruir sobre os quatre obchectivos d'a vida seguntes o hinduismo: artha (riqueza), kama (placer), dharma (deber relichioso) y mokxa (salvación).
A lei d'o karma (os actos humans y a reencarnación) tien un papel integral en a comprensión d'o Mahābhārata.
