Luis del Val Velilla

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Luis del Val Velilla


Deputau en as Corz Chenerals
15 de chunio de 1977 – 2 de chinero de 1979

Naiximiento	28 de chunio de 1944 Zaragoza (Zaragoza, Aragón)
Partiu	UCD
Profesión	Periodista y escritor
Alma Máter	Universidat de Zaragoza

Luis del Val Velilla (Zaragoza, 28 de chunio de 1944) ye un politico, periodista y escritor aragonés.

Biografía

Cursó estudios de Machisterio en a Escuela Normal de Zaragoza. En 1975 prencipió as suyas actividaz politicas chunto a Francisco Fernández Ordóñez y a Federación de Partidos Socialdemócratas que iste presidiba, y en 1976 fundó en Zaragoza o Partido Social Demócrata Aragonés.

Deputato de UCD por a circunscripción de Zaragoza en a lechislatura constituyent (1977-1979) en o Congreso d'os Deputatos, ocupó en o Ministerio de Treballo o cargo de director cheneral de cooperativas y empresas comunitarias (1977-1980) y en 1983, zaga d'a disolución de UCD, se retiró d'a politica.

Dende allora, ha venito treballando en a-saber-los medios de comunicación. Estió director de Radiocadena Española (1980-1982) y ha colaborato con a Cadena SER, Interviú, Diario 16 y Tiempo.

Ye autor de una ucena de libros de narrativa y asayo, d'entre os que cabe estacar as novelas Los ejecutivos también sueñan (1986), Buenos días, señor ministro (1988, premio Café Gijón), Los juguetes perdidos (1996), Las amigas imperfectas (2003, premio de novela Ateneo de Sevilla) y Volveremos a Venecia (2005); o libro de relatos Cuentos del mediodía (1999), Los caballos cojos no trotan, una obra de teatro en forma de monologo, y os asayos Prietas las filas (1999), acerca del Frente de Juventudes, y Con la maleta al hombro (2000), prexinanza sobre a emigración en Espanya.

A suya labor periodistica ha sito destinguita con muitos galardons, entre os que se contan o "Micrófono de Oro" d'a Asociación de Profesionales de Radio y Televisión (1999), por os suyos Perfiles sonoros emitidos en a Cadena SER, y dos premios Ondas, uno concedito en 1990 por o suyo programa Sé que estás ahí, que dirichió y presentó en a Cadena COPE, y atro en 2002 por "La foto del día", sección incluita en o programa Hoy por hoy d'a Cadena SER.

Dende 2004, o Concello de Sallent de Galligo convoca en homenache suyo o Premio de Relatos Luis del Val, de relatos curtos (para leyer en tres menutos), con periodicidat anyal.

Datos: Q5984608
Multimedia: Luis del Val / Q5984608