Jean-Jacques Rousseau

De Biquipedia
Ir ta: navego, busca
Articlo d'os 1000
Jean-Jacques Rousseau
Jean-Jacques Rousseau (painted portrait).jpg
Información personal
Calendata de naixencia: 28 de chunio de 1712
Puesto de naixencia: Flag of Canton of Geneva.svg Chinevra, Suiza
Calendata de muerte: 2 de chulio de 1778
Puesto de muerte: Pavillon royal de France.svg Ermenonville, Francia
Ocupación: Escritor y filosofo

Jean-Jacques Rousseau (Chinevra, Suiza, 28 de chunio de 1712Ermenonville, Francia, 2 de chulio de 1778) estió un d'os prencipals filosofos d'o sieglo d'as luces en luenga francesa, manimenos as suyas ideyas y o suyo caracter l'oposoron a sobén a d'atros ilustratos y a los ideyals d'o movimiento.

A filosofía politica de Rousseau se situa adintro d'a corrient contractualista d'os filosofos britanicos d'os sieglos XVII e XVIII, y o suyo famoso Descurso sobre l'orichen y fundamentos d'a desigualdat entre os hombres ye conzebito como un dialogo ubierto con a obra de Thomas Hobbes. Precursor d'o pensamiento democratico, o suyo punto de partita ye una cretica contra la inchenuidat d'o pensamiento ilustrato, más que más en o papel que a Ilustración otorgó a la cultura y a lo conoiximiento como proveyedor de bondat. Esfensó que a cultura ye una capa de convencions y arbitrariedatz que se superposa a l'hombre orichinario, ye decir, natural, y que por tanto falseya y esmalicia las condicions superiors que o ser humán poseye de manera intrinseca. L'artificialidat d'os regles forman a sociedat y o lenguache d'os diferents pueblos, que negan a los individuos a posibilidat d'una realización plena como tals y malmeten o suyo ser natural. A suya consideración d'o ser humán como individuo cultural ye a base d'os fundamentos d'a etnolochía moderna, como sinyaló Claude Lévi-Strauss.

A suya obra iconoclasta d'anticipó a las teorías evolucionistas de Charles Darwin. O suyo herencio de pensador radical y revolucionario ye probablement millor exprisato en a suya frase más famosa, incluita en o Contrato Social:

L'hombre naixe libre, pero en totz costatos ye encadenato.

As suyas ideyas politicas influyoron en a Revolución Francesa y en o desembolique d'as teorías liberals y nacionalistas. Ye conoixito, particularment, por os suyos treballos sobre l'hombre, a sociedat y a educación.