Ipotesis
De Biquipedia
Una ipotesis (d'o grieco antigo ὑπόϑεσις hypothesis, compuesto de hypo, "baixo" y thesis, "posizión", y tamién suposizión) ye a premisa subtendita á un razonamiento u á una demostrazión.
O senificato d'a parola en os orichens yera una ideya intelichent u un metodo matematico capaz de simplificar os calculos, pero que no yera nezesariament reyal. Con iste senificato o cardenal Bellarmine usó a parola cuan li albirtió á Galileo Galilei de no tratar o mobimiento d'a Tierra como reyal.
En l'uso comun, una ipotesis ye una ideya probisional con una balura que ha d'estar contrimostrata. A ipotesis desiche asinas un esfuerzo por parti d'os imbestigadors ta confirmar-la u negar-la. En o metodo ipotetico-dedutibo, una ipotesis abría d'estar falsificable.
A parola "ipotesis" ye estata emplegata de trazas no guaire correutas ta l'ipotesis de Riemann, que s'abría de dezir más propiament conchetura.
Por eixemplo, una persona que plega en un país y que troba una obella blanca, podereba formular a ipotesis que todas as obellas de ixe país son blancas. Ista puet estar considerata una ipotesis, porque ye falsificable, ye dezir, se puede contrimostrar o contrario: sería prou ta ixo de trobar una obella d'un atro color.
De normal as contrimuestras matematicas s'enunzian en tres partis: ipotesis, tesis y contrimuestra, an que l'enunziato de contrimostrar no ye a ipotesis sino a tesis, as ipotesis son en cambio as condizions en que s'operan, que s'emplegan chunto á os asiomas d'a tioría que s'emplega ta obtener a contrimuestra.
A tesis ye a proposizión d'a que se deseya conoixer si ye berdat. O razonamiento que s'ha de fer ta plegar a conoixer si una tesis ye berdat se dize contrimuestra.
