Haslach (Traunstein)

	Haslach
	Lugar d'Alemanya
	; Ilesia de Haslach
País; • Estau; • Rechión; • Districto; • Municipio	Alemanya; Bavera; Alta Bavera; Traunstein; Traunstein
Altaria; • Meyana	; 591 m.
Codigo postal	83278
Coordenadas	47°N 52°E
	Haslach Haslach en Alemanya

Iste articlo ye sobre a localidat bavara de Haslach. Ta atros usos se veiga Haslach

Haslach ye un lugar d'o municipio de Traunstein en o sud-este de Bavera, Alemanya, en a rechión de l'Alta Bavera. Se troba situau a bels 10 km a o sudeste d'o Chiemsee y a 15 km a o norte d'os Alpes de Chiemgau, a una altaria de 591 m.

Historia[editar | modificar o codigo]

Dica l'anyo 1263 Haslach perteneixeba a la parroquia d'Erlstätt, pasando dende alavez a la ciudat de Traunstein. Entre os 1376 y 1397 se construyió baixo o mandato de mosén Conrad Lanzinger a ilesia parroquial en estilo gotico. Mas tarde, entre 1683 y 1685 re reformó l'interior d'a ilesia pa transformar-la en una decoración barroca. Dimpués de sieglos d'esfuerzos por parti d'o concello de Traunstein a seu parroquial se treslada enta ista zaguera localidat o día 20 d'aviento de 1850. A nueit d'entre o 25 y o 26 d'abril de 1851 bi habió un gran incendio que cremó cuasi toda a ciudat de Traunstein. Encara que nunca no s'ha puesto contrimostrar se diz que estió una mena de venganza por o treslau d'a seu parroquial de Haslach. En os anyos 1944 y 1945 bi habió muitos bombardeyos tanto en Haslach como en os suyos arredols.

O municipio de Haslach se creyó por edicto municipal en l'anyo 1818 y ya en 1933 tenaba 768 habitadors. O día 1 de mayo de 1978 s'incorporó como barrio rural a o municipio de Traunstein dica l'actualidat. L'antigo municipio plegaba dica os actuals termins de Siegsdorf y Vachendorf.^[1]

Bibliografía[editar | modificar o codigo]

Josef Rosenegger: Die Pfarrei Unserer Lieben Frau zu Haslach, Haslach 1963.
Anton Kasenbacher: Traunstein, Chronik einer Stadt in Wort und Bild, Traunstein 1980.
Karl Rosenegger: Geschichte der Gemeinde Haslach 1818 - 1978, Traunstein 1988.
Karl Rosenegger: Haslach, Häuser, Höfe und ihre Familien, Traunstein 1994.
Karl Rosenegger: Die Baugeschichte der Haslacher Pfarrkirche, Chiemgau-Blätter 18/2010.

Referencias[editar | modificar o codigo]

↑ (de) Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982. Statistisches Bundesamt. 1983, W. Kohlhammer GmbH. Stuttgart y Mainz. ISBN 3-17-003263-1

Lugars d'o municipio de Traunstein

[1] (de) Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982. Statistisches Bundesamt. 1983, W. Kohlhammer GmbH. Stuttgart y Mainz. ISBN 3-17-003263-1

[1]