Regierungsbezirk

De Biquipedia
Ir ta: navego, busca

Un Regierungsbezirk (por un regular traducito como Rechión Administrativa) ye una rechión administrativa-gubernamental d'Alemanya, una subdivisión de bells estatos federatos. Os Regierungsbezirke se dividen a la vegata en districtos (Kreise) que pueden estar urbans u rurals (Landkreise). O Regierungsbezirk ye gubernato por un Bezirksregierung dirichito por o Regierungspräsident.

No totz os Bundesländer (estatos federals) disposan d'ista subdivisión; beluns, son dreitament dividitos en districtos. Actualment, cinco estatos se dividen en 22 Regierungsbezirke, con una población que oscila entre os 5.255.000 hab. de Düsseldorf a os 1.065.000 de Gießen:

Baden-Wurtemberg Baden-Wurtemberg: Friburgo, Karlsruhe, Stuttgart, Tubinga

Bavera Bavera: Alta Bavera, Baixa Bavera, Alta Franconia, Franconia Central, Baixa Franconia, Alto Palatinato, Suabia

Hessen Hesse: Darmstadt, Gießen, Kassel

Renania d'o Norte-Westfalia Renania d'o Norte-Westfalia: Arnsberg, Colonia, Detmold, Düsseldorf, Münster

Sajonia Saxonia: Chemnitz, Dresde, Leipzig

Historia[editar | editar código]

Os primers Regierungsbezirke fuoron creyatos por o Reino de Prusia, en 1815/16, o qualo dividió as suyas provincias en 25 Regierungsbezirke. Os d'a Renania d'o Norte-Westfalia son a continación dreita d'os creyatos en 1815. Atros estatos d'o Imperio Alemán creyoron entidatz parellanas, ditas Kreishauptmannschaft (en Saxonia) u Kreis (en Bavera y en Wurtemberg) (no han d'entivocar-se con os Kreis u Landkreis de hue en día). Mientres d'o Tercer Reich, o gubierno nazi unificó os nombres, pasando totz a decir-se Regierungsbezirk.

L'1 de chinero de 2000, Renania-Palatinato disolvió os suyos tres Regierungsbezirke de Coblenza, Rheinhessen-Pfalz y Trier - as funcions y os treballadors d'os tres Regierungsbezirke se repartioron en tres nuevas institucions con funcions en tot o estato.

L'1 de chinero de 2001, Saxonia-Anhalt disolvió os suyos tres Regierungsbezirke de Dessau, Halle y Magdeburgo - as funcions pasoron a mans d'un Landesverwaltungsamt que mantiene oficinas en o mesmo puesto que as antigas Bezirksregierungen.

L'1 de chinero de 2005, Baixa Saxonia también disolvió os suyos quatre Regierungsbezirke de Brunswick, Hannover, Lüneburg y Weser-Ems.

En Renania d'o Norte-Westfalia bi ha plans de disolver tamién os suyos 5 Regierungsbezirke y creyar 3 entidatz auto-gubernatas. Os antigos Regierungsbezirke a o estilo prusiano no tienen organs auto-gubernatos.


Rechions d'Alemanya Bandera d'Alemanya
Alta Baviera | Alta Franconia | Alto Palatinato | Arnsberg | Baixa Baviera | Baixa Franconia | Colonia | Chemnitz | Darmstadt | Detmold | Düsseldorf | Dresde | Franconia Central | Friburgo | Gießen | Karlsruhe | Kassel | Leipzig | Münster | Stuttgart | Suabia | Tubinga
Antigas rechions: Brunswick | Coblenza | Dessau | Halle | Hannover | Lüneburg | Magdeburgo | Rheinhessen-Pfalz | Trier | Weser-Ems