Guayaquil

De Biquipedia
Ir ta: navego, busca
Santiago de Guayaquil
Localidat d'Ecuador
Bandera Escudo d'armas
Guayaquil
Estato
 • Provincia
Flag of Ecuador.svg Ecuador
Guayas
Superficie 1.214,4 km²
Población
 • Total
 • Densidat

2.268.338 hab. (2005)
1.803 hab/km²
Quito
http://www.quito.gov.ec/
Molimento en Guayaquil

Santiago de Guayaquil ye a ciudat más gran d'Ecuador. Tien una población de 2.385.405 habitants en a suya aria metropolitana. Ye a capital d'a provincia d'o Guayas y amás ye o prencipal centro comercial d'o país, situato en a costa de l'Pacifico, en a desembocadura d'o río Guayas.

Cheografía[editar | editar código]

Guayaquil se troba situata en a marguin dreita (occidental) d'o río Guayas, a 2 metros d'altaria sobre o nivel d'a mar en as zonas más baixas. Se troba conectata con l'Ocián Pacifico por o dito Estero Salado, un important brazo de mar que dentra en a desembocadura d'o Guayas. Iste trescruza o guasmo, a parti occidental d'o centro d'a ciutat, Urdesa y Mapasingue.

A ciudat ye mayoritariament plana, con elevacions como o Tozal de Santa Ana (á on que se troba o popular vico de Las Peñas), o Tozal del Carmen (á on que se troban as oficinas d'o canal telebisivo Ecuavisa) y o Tozal de San Eduardo, entre d'atros.

Historia[editar | editar código]

Guayaquil s'establió lo 25 de chulio de 1535 con o nombre de Santiago de Guayaquil, probablement sobre bell asentamiento indichena anterior. Mientres a epoca colonial, integrata en a Reyal Audiencia de Quito, a ciudat se desembolicó como un important puerto d'a costa americana d'o Pacifico. Manimenos a población no creixeba considerablement, debito sobretot a os ataques d'os piratas y os incendios que i escayecioron.

O 9 d'octubre de 1820 a ciudat proclamó a independencia, dimpués d'o fallito intento de Quito (o 10 d'agosto de 1809), baixo lo mandato de José Joaquín de Olmedo. A ciudat estió punto de salita d'a campanya que levó a Antonio José de Sucre a Quito t'aconseguir a independencia finitiva d'os territorios d'a Reyal Audiencia de Quito. Dimpués, o 26 de chulio de 1822, José de San Martín y Simón Bolívar se troboron en a ciudat ta planificar as zagueras campanyas d'a independencia de l'America d'o Sud espanyola.

O 1896, se produce o mayor incendio d'a historia de Guayaquil, conoixito como Gran Incendio. Alto u baixo, se cremo a metat d'a ciudat de Guayaquil d'a epoca. Actualment a ciutat ye fendo importants plans de reforma, como lo prochecto Malecón 2000 y a recuperación d'o historico Tozal de Santa Ana, encara que se critica que s'haigan albandonato los vicos más pobres d'a ciudat, como lo Guasmo. L'actual alcalde ye Jaime Nebot, d'o Partito Socialcristián.

Vinclos externos[editar | editar código]