Grupo 11 d'a tabla periodica

De Biquipedia
Ir ta: navego, busca
Grupo 11
Periodo
4 29
Cu
5 47
Ag
6 79
Au
7 111
Rg

O grupo 11 d'a tabla periodica lo forman os siguients elementos:

O element roentguenio (Rg), por estar un elemento sintetico, y en no trobar-se de forma natural, no se gosan contar en parlar d'os elementos d'o grupo 11, encara que estrictament en fa parti.

Codigo de colors emplegato en a tabla: Metals de transición

Istos tres metals son ditos "metals d'acunyar", encara que no ye un nombre recomendato por a IUPAC. Son relativament inertes y dificils de robinar. S'han emplegato amplament en l'acunyación de monedas, y d'ista aplicación proviene o nombre de metals d'acunyar. L'arambre y l'oro son d'os pocos metals que presentan coloración.

Amás d'as suyas aplicacions monetarias y decorativas, tienen muitas atras aplicacions industrials debito a belunas d'as suyas sobrebuenas propiedatz. Son muit buenos conductors d'a electricidat (os mas conductors de totz os metals son l'archent, l'arambre y l'oro, en iste orden). L'archent tamién ye o elemento que presenta una mayor conductividat termica y mayor reflectancia d'a luz. Amás, l'archent tien a poco común propiedat de que a capa que se forma quan s'oxida contina estando conductora d'a electricidat.

L'arambre tamién s'emplega amplament en cordons electricos y en electronica. A vegadas se fan servir contactos d'oro en equipos de precisión. A vegadas tamién s'emplega l'archent en istas aplicacions, y tamién en fotografía, agricultura, medecina, equipos de sonito y aplicacions scientificas.

Istos metals son muit blandos y no soportan bien l'uso diario d'as monedas, desgastando-se con o tiempo. Por ixo han d'estar aleyatos con atros metals ta conseguir monedas mas duraderas, mas duras y mas resistents a o desgaste.


Elementos quimicos
Tabla periodica | Nombre | Simbolo atomico | Numero atomico
Grupos:   1 -  2 -  3 -  4 -  5 -  6 -  7 -  8 -  9 - 10 - 11 - 12 - 13 - 14 - 15 - 16 - 17 - 18
Periodos:  1  -  2  -  3  -  4  -  5  -  6  -  7
Series:   Metals alcalins  -  Alcalinoterrios  -  Lantanidos  -  Actinidos  -  Metals de transición  -  Metals d'o bloque p  -  Metaloides  -  No metals  -  Halochens  -  Gases nobles
Bloques:  bloque s  -  bloque p  -  bloque d  -  bloque f  -  bloque g