Fracción cheografica

Una fracción cheografica (Frazione geografica en italián) ye, en o sistema administrativo italián, un aria u sector d'una comuna, formato a sobén por un nuclio habitato, a vegatas por quantos nuclios habitatos, y a sobén por viviendas aislatas gravitando sobre o centro urbán. Ye asinas diferent d'os lugars en Aragón, y a declaración legal d'existencia d'una fracción cheografica ye nomás posible ta municipios (comuni) de tamanyo meyo u chicot; as comunas de gran tamanyo tienen circoscrizione, una división administrativa equivalent a los destritos municipals en as grans ciudatz aragonesas.

As fraccions cheograficas italianas no tienen garra organo administrativo propio, ni asambleya ni alcalde pedanio.