Fernando Escartín

De Biquipedia
Ir ta: navego, busca
Fernando Escartín
Escartín Tour 1992.jpg
Escartín en o Tour de Francia de 1992
Información personal
Nombre Fernando Escartín Coti
Calendata de
naiximiento
24 de chinero de 1968
Puesto de
naiximiento
Flag of Aragon.svg Biescas, (Aragón)
Peso 61 kg
Esporte Ciclismo
Información d'equipe
Disciplina Carretera
Papel Escalador
Equipes profesionals
1990 - 1993
1994 - 1995
1996 - 2000
2001 - 2002
CLAS-Cajastur
Mapei
Kelme-Costa Blanca
Team Coast
Grans victorias
1995- Buelta a Aragón
1997 - Volta a Catalunya

Fernando Escartín Coti (Biescas, Uesca, 24 de chinero de 1968) ye un ex-ciclista aragonés.

En os suyos once anyos como profesional estió en tres equipes, o CLAS-Cajastur, que más tardi cambeó o suyo nombre a Mapei, u Kelme-Costa Blanca, a on estió lo chefe de filas y a on habió los suyos grans exitos como corredor profesional, y o Coast, o suyo zaguer equipe dica la suya retirada. En os suyos empecipiallo como corredor estió gregario de Tony Rominger en o Clas-Cajastur.

Fernando Escartín, yera ciclista puramén escalador (1,75 m y 61 kg), se puede dicir que tot lo que ganaba en montanya lo perdeba en contrarreloch ya que no estió un gran contrarrelochista anque amilloró positivament en as zagueras anyadas d'a suya carrera esportiva consiguindo resultatos más que acceptables.

En a Quebrantahuesos 2010

Os suyos trunfos mas grans como ciclista profesional estioron en a temporada de 1999, quan aconsiguió dos d'os suyos prencipals obchectivos: estar en o podio d'a carrera más important d'o mundo, o Tour de Francia, y ganar a etapa reina d'a carrera francesa d'ixa mesma anyada con final en a estación d'esquí de Piau Engaly. Antimás, estió a suya primera victoria d'etapa en una carrera de tres semanas.

Tamén bi ha que destacar que en a Vuelta a Espanya logró dos segundos puestos (1997 y 1998) y saliba como un d'os favoritos en la edición d'o 1999. Una disgraciata caita baixando lo Puerto d'o Cordal baixo una intensa plevia li obligó a albandonar en ixa edición.

Como trunfos totals logró a cheneral d'a Vuelta a los Valles Mineros y d'aVuelta a Aragón en 1995 y a Volta a Catalunya de 1998. Como trunfos parcials ha lograto etapas en a Volta a Galicia, Vuelta a Aragón, Vuelta a los Puertos, Vuelta a Asturies y en o Tour de Francia.

Vinclos externos[editar | editar código]