Eukarya
De Biquipedia
- Iste articlo trata sobre lo dominio taxonomico Eukarya. Ta atros emplegos d'a parola eucariota se beiga Eucariota (desambigazión).
| Eukaryotes | ||||
|---|---|---|---|---|
| Clasificazión zentifica | ||||
|
||||
| Reinos | ||||
|
En biolochía, Eukarya u Eukaryota ye lo dominio d'os organismos que tienen as zelulas con berdaders nuclios. En as luengas latinas, l'adaptazión correuta d'o termín ye eucariont u eucarionte. As transliterazions eucaria u més á sobent eucariota fan referenzia á las zelulas que composan istes organismos: as zelulas eucariotas. A etimolochía d'o termín ye «Eu», d'o griego bien u buen, e «Karyon», zentro u nuclio; en conchunto se puede interpretar como «Bien nucleyau/da».
O conchunto d'os organismos eucarionts encluye dende os organismos plurizelulars don que las zelulas son espezializadas en fer fayenas concretas e talment les sería imposible de sobrebibir anisoladas, dica las muitas (anque no totas) espezies unizelulars. A resta d'altros organismos bibos (toz unizelulars) se cuaternan dintro d'os altros dos dominios: Archaea e Bacteria.
Pertenixen á lo dominio Eukarya cuatro reinos: Animalia, Plantae, Fungi e Protista. Toz ellos tienen carauteristicas parellanas á nibel molecular (estrutura d'os lipidos, proteinas, e chenoma) e tienen debantepasaus comuns. Se piensa que las suyos orichenes fincan fa bels 2 mil millons d'añadas, tot e que l'alcuerdo no ye unanime. Fosils prebios no s'han puesto claseficar fazilment.
As primeras trazas que poderían relazionar-se con os grupos modernos d'eucariontes emprenziparon á apreixer fa bels 800 millons d'añadas, mientres que la mayoría d'os grupos fosils que güei se tienen bien definius no aparixoron dica lo cambrico.
Os eucarionts s'han cuaternato en cuatro reinos: Protista, Plantae, Animalia e Fungi, que poderían estar zinco seguntes Cavalier-Smith (Os anteriors más o reino Chromista) u encara muitos más perque bels autors eban considerau que muitos d'os organismos unizelulars aberían d'estar clasificaus á desparte, fendo puyar ixa posible zifra de reinos dica la bentena.
O reino Protista ye lo que en taxonomía se clama un grupo parafiletico. Ixo quier dezir que los suyos miembros han estau en muitos casos cuaternaus asinas perque simplement no enchascaban mica bien á dintro d'altras agrupazions; ye per ixo que que la suya dibersidat ye semilar á la dibersidat fundamental d'os eucariontes.
En a rezient clasificazión de Adl et al. (2005) s'ixopan os problemas d'a clasificazión dintro de reinos sustituyindo-ne estes taxons per una colla de grupos filochenicament emparentaus ta los que no sen aplica garra categoría con finalidat de no tener o problema d'a suya posterior autualizazión. Ista sistematica puet beyer-se de maniera grafica con a siguient aplicazión en web:
Creyada per Wolf et al. á on s'amuestran os nibels cladisticos e las suyas equibalenzias con os reinos anteriors. Asinas, ps grans clados serian estes:
- Amoebozoa (cualcunas d'as amebas u ameboflachelaus)
- Archaeplastida (encluye Plantae d'entre altros grupos)
- Chromoalveolata (como lo suyo nombre endica, encluye Alveolata e altros grupos que feban parte d'o reino Chromista proposato por Cavalier-Smith en o 1981).
- Excavata (encluye bels protozous flachelaus, ameboides o ameboflachelaus)
- Opisthokonta (encluye Fungi e Animalia, d'entre altros)
- Rhizaria
Se beiga que las formas ameboides o flachelars no endican pertenenza á dengún d'os grupos, como s'eba creyiu enantes, sin de creyar nuebos grupos artifizials dende lo punto d'embista ebolutibo.
