Ecser
| Ecser Ečer |
|
|---|---|
| Localidat d'Hongría | |
 Casa tipica |
|
| Estato • Condato |
 HongríaPest |
| Superficie | 13,1 km² |
| Población • Total • Densidat |
3.251 hab. (2001) 248,05 hab/km² |
| Codigo postal | 29-2233 |
| www.Ecser.hu | |
Ecser (prenunciato [ˈɛʧɛr] (AFI)) ye un municipio d'el condato de Pest, en Hongría. La suya población ye de 3.251 habitants en una superficie de 13,1 km².
Se troba a man de Budapest, en dirección sur-este, a par de l'Aeropuerto Internacional Feirhegy d'a capital ongara. Lo municipio tien una minoría etnica eslovaca y per ixo s'ha puesto conservar lo nombre tradicional en a luenga d'estes: Ečer.
Historia [editar]
Lo documento més antigo on amaneixe lo lugar d'Ecser ye d'el 13 d'aviento de l'anyo 1315. La tradición, manimenos, en sitúa es orichens en o sieglo IX: Lo nombre d'a población, s'esplica en una falordia, el quitó lo Gran Prencipe Árpád (s.IX) quan paró en l'asentamiento ta escansar-se. Alavez, lo Prencipe preguntó cómo le deciban y como es pobladors no le sabioren dar garra respuesta, decidió que le posasen lo nombre per un caixico que i heba (cser en hongaro).
Lo lugar quedó de tot espoblato mientres a epoca d'a dominación otomana (1526-1686), prencipalment per lo setio d'a ciudat de Buda, que tot el destruyó. Dimpués, dica l'anyo 1699 no el tornoren a repoblar.
