Dubai

De Biquipedia
Ir ta: navego, busca
Articlo d'os 1000
Emirato de Dubai
إمارة دبى
Imàrat Dubayy
Emirato d'os Emiratos Arabes Unitos
Flag of Dubai.svg Escudo de  Emirato de Dubai
Bandera Escudo
Map of Dubai blank.svg
Localización d'o Emirato
Capital Dubai
Idioma oficial Arabe
Entidat
 • Estato
Emirato
Flag of the United Arab Emirates.svg Emiratos Arabes Unitos
Superficie
 • Total

4.114 km²
Población
 • Total
 • Densidat

2.262.000 hab. (2008)
408,18 hab/km²
Xec Muhammad bin Rashid Al Maktum
Pachina web oficial

Dubai (en arabe دبي, Dubayy) ye un d'os siet emiratos d'os Emiratos Arabes Unitos. A capital ye a ciutat de Dubai, que forma una conurbación con Sharjah y Ajman. Dubai estió capital (residencia de l'achent politico britanico) d'os Estatos d'o Trucial Omán dimpués de 1954; d'antis mas a capital yera Sharjah. En 1971 a capital d'os Emiratos Arabes Unitos s'establió en Abu Dhabi.

Población y superficie[editar | editar código]

A población a finals de 2006 yera d'1.422.000 habitants (un anyo antis yera d'1.130.000) con un creixemiento de 26.000 personas a o mes; d'os habitants o 75,5% son hombres y o 24,5 mullers. Encara que as cifras sobre residents no s'han facilitato, son foranos alto u baixo un 85%. Os naiximientos en un anyo estioron 12.385. As muertes anyals son d'alto u baixo 1.700 y as vodas alto u baixo 2.700. O numero de telefons móbils en o emirato ye de 2.210.000 y as linias de telefon de 547.375. Respctive d'o torismo, quasi un millón de turistas u viachers vesitoron o emirato.

A población autoctona perteneixe a las tribus Al Sudan, Al Marar, Al Mazari, Al Bu Muhayr, Al Hawamil, Al Kumzan, Al Mahariba, Al Sabayis y Al Bu Falah, totz miembros d'a confederación tribal d'os Banu Yas; y a la tribu beduína d'os Al Manasir. O clan gubernant son os Al Falasa d'a tribu Rawashid, y a familia son os Al Maktum.

A superficie ye de 3.885 km² y ye o segundo emirato en superficie d'os Emiratos Arabes Unitos dimpués d'Abu Dhabi.

Economía[editar | editar código]

Gnome-searchtool.svg
Ta más detalles, veyer l'articlo Economía de Dubaiveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
L'aeropuerto de Dubai.
Vista aeria de Dubai.

Encara que a suya riqueza en petrolio lo fa un d'os dos emiratos dirichents d'a federación, Dubai nomás participa en o presupuesto federal con una cantidat simbolica (o 90% lo mete Abu Dhabi) ya que o petrolio, una vegata industrializato o país, representa nomás o 3% d'a suya riqueza.

A principal riqueza d'o país deriva d'a suya industria y d'o puerto de Jebel Ali con a suya zona franca.

En a ciutat de Dubai bi ha l'Aeropuerto Internacional de Dubai.

Cheografía[editar | editar código]

Gnome-searchtool.svg
Ta más detalles, veyer l'articlo Cheografía de Dubaiveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Dubai ye formata por tres zonas diferenciatas: una zona costera con os prencipals establimientos y mas que mas Dubai y Jebel Ali, que s'estendilla enta o interior en bells puntos dica os 15 km; a zona interior de Dubai, desertica con dunas d'arena, pero ricos campos de petrolio y gas natural, y a zona agricola de montanya d'Djabal Hatta u Hajarain, un enclave a o sud d'a parti sud-este d'os Emiratos, muga con Omán a o sud y este, con Huwaylat (Ras al-Khaimah) a o norte, y con Masfut (Ajman) a l'ueste.

A muga en a costa con Abu Dhabi se troba entre Jebel Ali (Djubayl) y Khor Ghanada, y a muga con Sharjah ye a l'este d'o vico (d'antis mas una ciudat deseparata) de Dayra. Dos ciudatz costeras, Umm al-Sukayn y Djumayra, tamién fan parti d'o emirato.

Mugas[editar | editar código]

Dubai y Abu Dhabi establioron as suyas mugas a o norte-ueste de Dubai y norte-este d'Abu Dhabi, o 1949 dimpués d'una guerra entre os dos estatos. A muga a o sud de Dubai y sud-este d'Abu Dhabi se fixó o 18 de febrero de 1969 con o tractato de Sumaih, y s'establió una zona neutralizata entre os dos a o sud de Dubai entre Tawi al-Ashuh y Tawi Faqqa. Dubai establió a suya muga con Sharjah en octubre de 1960, y l'alcuerdo se fació en 1980, pero en 1985 habió un conflicto serio sobre o campo de gas de Moghran y se produció una mediación que a la fin levó a un alcuerdo o mesmo anyo.

Historia[editar | editar código]

Gnome-searchtool.svg
Ta más detalles, veyer l'articlo Historia de Dubaiveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Dubai ye una ciutat con impresionants gratacielos.
O torismo de luxo ye una de as fuents d'ingresos de Dubai.

En a zona s'han trobato obchectos d'a epoca omeya y abbasida, pero a existencia de Dubai no consta antis d'o 1095, quan la nombra o cheografo Al-Bakri. O choyero venecián Gaspero Balbi vesitó a zona en 1580 y nombra a ciudat de Dibei como centro d'a industria d'a perla. Apareixe por primera vegata en fuents consultables en 1799 (Lorimer), quan yera una dependencia d'os Banu Yas d'Abu Dhabi y se i establió o clan Al Falasa y Al Bu Falasa. O xec sinyó o 8 de chinero de 1820 o primer tractato de paz con os britanicos. A chirmana d'o xec Muhammad ben Hazza ben Zaal se casó con o sultan ben Saqr de Sharjah (1803-1866) y a influencia de Sharja substituyó a la d'Abu Dhabi[1]

En 1833 a familia d'o Al Maktum, d'o clan Al Falasa d'os Banu Yas, formata por bellas 80 personas, salió d'Abu Dhabi y s'establió en o centro de Dubai[2] baixo a dirección d'o suyo chefe o xec Maktum I ben Bati ben Suhayl, y se convirtió en a familia mas important de Dubai ya que en 1835 fue qui sinyó l'alcuerdo temporal de tregua con os britanicos. En 1841 una grieu epidemia obligó a evacuar a zona de Bur Dubai y a población se trasladó a Dayra; muitos edificios fuoron espaldatos. O suyo chirmán Said ben Bati que le succedió a la suya muerte en 1852, sinyó en 1855 o tractato de tregua perpetua con os britanicos. A la muerte de Said os suyos sobrins Hushur (1859-1886) y Rashid (1886-1894) continoron entabán chugando con a rivalidat entre Abu Dhabi y Sharjah agora con o refirme d'un y dimpués con lo de l'atro (y encluso bella vegata con os chicotz xecatos d'Ajman y Umm al-Qaiwain), y en 1892 estió o segundo, Rashid, qui sinyó os Alcuerdos Exclusivos que meteban a o emirat baixo protectorato britanico; en virtut d'istos alcuerdos o xecato no podeba establir alcuerdo con dengún estato forano fueras d'a Gran Bretanya, a menos d'obtener o consentimiento previo. A crisis cheneral, que a fin d'os actos de piratería suposó en bells puertos d'a zona, no afectó a Dubai, que creixió en importancia dende o desembolique d'o comercio d'as perlas y o suyo caracter d'imperio que atreyeba muitos comerciants que visitaban Sharjah y Langeh, y encara mas a partir de 1890 dimpués ee que o puerto de Langeh heba estato zarrato poco antis. Manimenos, muitos indios s'establioron en Dubai.

En 1922 o xec Said II ben Maktum sinyó un alcuerdo por o que no podría dar concesions de busqueda petrolifera a denguna persona u sociedat que no fuese designata por o gubierno britanico. As concesions fuoron atorgatas en dos tercios a la British Petroleum Exploration Company Limited (antiga D'Arcy Exploration Company Limited) y en un tercio a la Compagnie Francaise des Pétroles. Totas as prospeccions se facioron en a costa en territorio d'o emirato y as concesions en a mar las fació a Trucial Coast Petroleum Development Limited (filial d'a Iraq Petroleum Company).

Primero a Primera Guerra Mundial de 1914 a 1918 y dimpués a gran depresión d'o 1929 afectoron grieument a la industria d'a perla, y muitos d'os suyos habitants habioron d'emigrar a atros puestos. Dimpués d'a Segunda Guerra Mundial en 1947 esclató a guerra con Abu Dhabi por una qüestión de mugas; l'arbitrache britanico de 1949 imposó a muga en a zona costera entre Dubai y Abu Dhabi con una zona neutralizata en a muga entre o Ras Hasia y o disierto. L'alcuerdo de 1969 establió a muga que se convirtió en permanent. Dubai, por a suya condición comercial, a recuperación parcial d'a industria d'a perla, y a exportación de peix seco, se recuperó y en 1954 fue trigata como residencia de l'achent politico d'os Estatos d'o Trucial Omán (fueras d'Abu Dhabi), dica alavez resident en Sharjah. En istos anyos se construyó l'aeropuerto, y s'inicioron a electrificación y as primeras linias de telefon.

En 1966 se descubrió petrolio y se facioron nuevas concesions. En 1967 Dubai s'incorporó a la nueva moneda de Qatar (o riyal de Qatar) debito a la deflación d'a rupia d'o golfo por a devaluación d'a rupia india, y continó en iste sistema monetario dica 1973.

O 2 d'aviento de 1971 Dubai ingresó como uno d'os xecatos constituyents en a Federación d'os Emiratos Arabes Unitos, chunto con Abu Dhabi, Ajman, Fujairah, Sharjah y Umm al-Qaiwain. Ras al-Khaimah se convirtió en independient pero dos meses dimpués ingresó tamién en a federación. En 1979 se sinyó un alcuerdo de mugas entre Dubai y Abu Dhabi que fixaba os detalles d'a linia de muga ya establita.

En 1973 adoptó a moneda federal, o dirham d'os emiratos. O país creixió extraordinariament en parti debito a l'habilitat d'os libaneses establitos en o país fuyindo d'a guerra civil. En 1979 s'establió a zona franca de Jebel Ali que tenió un exito extraordinario en poder repatriar capital sin de limite y poder importar treballadors sin de restriccions.

Dubai refirmó a las fuerzas americanas mientres d'a guerra d'o Golfo de 1990 (liberación de Kuwait) y mientres a envasión americana d'Iraq en 2003. Dimpués s'han establito nuevas zonas francas.

Lista d'os xeques[editar | editar código]

Escudo y bandera[editar | editar código]

Escudo

O tractato de 1820 imposó a o xec o pavellón royo con francha blanca en o palo, encara que o territorio probablement conservó a bandera roya lisa. No se sabe en que inte se prencipió a usar a bandera con a francha blanca en o territorio, manimenos a proporción estió rectangular 1:3 u mas luenga, y probablement no estió antis d'o tractato de de 1835. Ista bandera yera preferita por os Banu Yas y os suyos aliatos sobre l'atra bandera de canto blanco que feban servir os Qawasimi. En 1939 o Flaggenbuch d'a marina alemana estableixe l'amplaria d'a francha en 1/6.

En os anyos cinquanta (sieglo XX) se rechistra l'uso d'a bandera con francha y con o nombre d'o xecato en blanco en a parti roya, de seguras utilizata dimpués de 1947 ta distingir-se d'Abu Dhabi con qui estió en guerra entre 1947 y 1949. As banderas mudernas s'utilizan con una francha blanca de 1/3 y proporción 1:2 pero o modelo oficial sería seguntes l'Album d'a Marina Francesa con francha de 1/4 y proporción 1:2.

A bandera d'a guardia d'o xec ye verda con o escudo en o centro; a policia de Dubai utiliza tamién bandera verda con o emblema en dorato en o centro; l'academia de policia tien a mesma bandera pero en o centro bi ha o escudo de l'academia. As duanas, l'aeropuerto, a zona de Jebel Ali, a universidat y a municipalidat utilizan banderas blancas con o logotipo. A bandera de "Dubai Petroleum Company" ye roya con o logotipo blanco en o centro. Os departamentos administrativos tamién tienen banderas blancas con o logotipo en meyo.

O escudo de Dubai ye un ovalo con dos imachens, una d'un barco —un dhow—, que simboliza a costa, y en a o costato una d'una palmera, que simboliza a parti interior. Dencima, un falcón. L'ovalo ye flanqueyato por brancas de laurero y a bandera d'o emirato a cada costato. Debaixo, una cinta blanca con o nombre d'o emirato escrito en caracters arabicos (دبي) y latins (Dubai).

Articlos relacionatos[editar | editar código]

Referencias[editar | editar código]

  1. India, Selections, XXIV, 317)
  2. Al-Salimi, 31


Emiratos d'os Emiratos Arabes Unitos Bandera d'os Emiratos Arabes Unitos
Abu Dhabi | Ajman | Dubai | Fujairah | Ras al-Khaimah | Sharjah | Umm al-Quwain