Departamentos de Franzia
De Biquipedia
Os departamentos (en franzés: départements) son as unidaz en que se dibide almenistratibament o territorio de Franzia.
Franzia tien 100 departamentos (4 en ultramar), agrupatos en 22 rechions, y cada departamento se dibide en destritos. Cada departamento tien a suya capital, que ye á sobent a ziudat con mayor poblazión d'o departamento.
A dibisión territorial de Franzia en departamentos tin o suyo orichen en a Reboluzión Franzesa, cuan os departamentos sustituyoron á lantiga dibisión en probinzias como un meyo politico de trencar con l'antiga almenistrazión d'o Reino de Franzia en o nuebo periodo republicán, creyando á más una cherarquía almenistratibo-politica ta reprimir as sulebazions monarquicas. Asinas a figura d'o prefeuto, que ye á o cargo d'a prefeutura en a capitl d'o departamento, no ye pas un cargo esleyito, sino un representant politico d'o Gubierno en un departamento, alto u baxo como o gubernador zebil en as probinzias españolas.
Á más, ta trencar tamién á o ran d'o nombre con l'antiga dibisión d'o país, y ta eliminar retizenzias de tipo rechional, o nombre d'os departamentos se creyó de nuebo de raso, emplegando á sobent o nombre d'o río u ríos prenzipals que trescruzaban o territorio de cada departamento.
