Cruz occitana

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Cruz occitana
Cruz occitana

A cruz occitana, cruz de Folcalquer u cruz de Tolosa (en occitán crotz occitana, crotz de Forcauquier u crotz de Tolosa) ye hue o simbolo identitario d'os occitans y d'Occitania. A sobén puet entivocar-se popularment con una cruz catara anque no se sabe mui bien si existió una cruz catara.

Historia[editar | modificar o codigo]

L'orichen d'a cruz ye prou misterioso. Son muitas as hipotesis respectives a la suya posible plegada a Tolosa. Bels historiadors piensan que ye d'orichen bizantín y que puet estar que venise de Constantinoble por meyo d'as cruzatas mientres que atros opinan que ye d'orichen copto y que haberba estato importata de Provenza. De totas trazas a primera vegata que ye documentata a cruz d'os Condes de Tolosa ye en tiempos de Ramón V de Tolosa en l'anyo 1165 (descripción d'o siello d'o Condau).

A cruz s'estendilló mas allá d'o condau de Tolosa de manera gradual (estió lo simbolo d'os Estatos d'o Lenguadoc) y dende os anyos sisanta y setanta se convirtió en o simbolo d'o Lenguadoc. Mas tardi, a partir d'os anyos 80-90 s'ha espardito por tota la resta d'o territorio de luenga occitana (encluyitas as zonas perifericas exteriors a lo estato francés como a Val d'Arán u as Vals Occitanas d'o Piemont), identificando-se asinas de manera cheneral, en Occitania y tamién en l'exterior, a la identidat occitana.

Se veiga tamién[editar | modificar o codigo]

Vinclos externos[editar | modificar o codigo]