Catarismo

De Biquipedia
Ir ta: navego, busca
Cruz catara, también cruz de Occitania.

Lo catarismo ye la doctrina de los cataros, un movimiento relichioso de trazas gnosticas que s'extendió por Europa Occidental a mitat de lo sieglo X, conseguindo asentar-se dica lo sieglo XIII en tierras de Lenguadoc, a on contaba con la protección de bells sinyors feudals vasallos de la Corona d'Aragón. Manimenos los que se conoixeban como cataros yeran en realidat primero bogomils (cataros moderatos) y dimpués albichenses (cataros radicals)[1]

Los ditos cataros yeran un movimiento relichioso-cultural, propulsor d'un nuevo orden social a partir de lo desembolique individual. Dende los suyos alazetz yeran en contra de la Ilesia Catolica, a las suyas formas autoritarias y represivas d'allora, que negaba la posibilidat a los hombres d'alcanzar un estato de desembolique espiritual fuera de las institucions catolicas y sin de la guía d'un representant de la ilesia. La iglesia catara estió uno de los numerosos movimientos socials que preboron de crebar con esta hechemonía eclesiastica y instaurar un nuevo orden, por lo que estió perseguita. Ya por lo sieglo XII, este movimiento prenió fuerza y empecipió a ganar muitos devotos, la Ilesia Catolica, doncas, prebó d'acotolar-lo, car los veyeban como rivals de muita periglosidat.

Con influencias de lo maniqueísmo en las suyas etapas pauliciana y bogomila, lo catarismo criticó las practicas y la visión de la hierarquía de la Ilesia Catolica, que en respuesta lo consideró heretico.

Domingo de Guzmán predicó contra los cataros entre 1206 y 1215, quan funda la Orden de los Predicadors.[2] Dimpués d'encomenzar esta prebatina misionera, y debant una crexient influencia y extensión, la Ilesia a la fin invocó lo emplego de la fuerza, con lo refirme de la Corona de Francia, pa conseguir la suya erradicación a partir de 1209 con la Cruzata Albichense dirichida por lo normando Simón de Montfort. Lo rei Pero II d'Aragón protecheba a los cataros pero fue esconfito en 1213 en la Batalla de Muriel, que no tenió resultaus definitivos. En 1226 lo rei Loís VIII de Francia emprendió una nueva cruzada contra los cataros y en 1244 bi ha una mortalera de cataros en lo Castiello de Montsegur.[2] A zaguers de lo siego XIII lo movimiento, reprimito con violencia por la Enquesición y enfeblito, entró en la clandestinidat. Bi habió cataros que se refuchioron en Catalunya, Italia y Alemanya.

Dende la segunda mitat de lo sieglo XX, lo catarismo ye obchecto d'investigacions y d'un esfuerzo por integrar lo suyo recuerdo a la identidat de las rechions on se trobaba lo suyo foco central de influencia: lo Lenguadoc y la Provenza.


Referencias[editar | editar código]

  1. (es) Mircea Eliade y Ioan P.Couliano: Diccionario de las religiones. Editorial Paidós. 1991.
  2. 2,0 2,1 (es) Jose-Ramón Julià: Atlas de Historia Universal. Tomo I: De los orígenes a las crisis del siglo XVIII. Editorial Planeta. p 204-205.