Cronos

De Biquipedia
Ir ta: navego, busca
Cronos aguardando en o fosal monumental de Staglieno.

Cronos (en griego antigo Χρόνος Khrónos, "tiempo") yera, en a mitolochía griega, a personificación d'o tiempo, seguntes se diz en as obras filosoficas presocraticas. Tamién se le clamaba Eon u Aión (Αίών, "tiempo eterno").

En os mitos griegos, Cronos yera o dios d'as Edatz (dende a Dorada dica a de Bronze) y d'o zodiaco. Surtió a o prencipio d'os tiempos formau por ell mesmo como un ser sin cuerpo con tres cabezas: d'hombre, de toro y de lión. Se unió con a suya companyera Ananké en una espiral arredol d'o uevo primichenio y lo deseparó, formando o universo ordinau d'a tierra, o mar y o cielo.