Cataractas d'o Niagara

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Anviesta aeria d'o conchunto d'as cataractas d'o Niagara en a muga entre os Estaus Unius (ribera dreita, a la ezquierda d'a foto) y Canadá (ribera ezquierda, a la dreita d'a foto)

As cataractas d'o Niagara (en anglés Niagara Falls) son un grupo de grans saltos d'agua d'o río Niagara (56 km) en a zona oriental d'America d'o Norte, en a muga entre os Estaus Unius y Canadá. Niagara deriva d'una parola d'a tribu india iroquesa que significa "truén d'augua".

Son formatas por tres saltos d'augua diferenciatos: a cataracta d'a Ferradura u canadiense (en anglés Horseshoe Falls u Canadian Falls), en a provincia d'Ontario; a cataracta norteamericana (en anglés American Falls), en o estato de Nueva York; y amás chicota, a cataracta d'o Velo de Novia (en anglés Bridal Veil Falls).

Encara que en conchunto no tienen una gran altaria, son muit amplas y son las de mas volumen d'augua d'America d'o Norte. Tot o conchunto se troba a una latitut de 43 graus Nord y una lonchitut de 79 graus ueste, entre o estato de Nueva York (Estaus Unius) y Ontario (Canadá). O cabal maximo d'augua que levan ye de 5.720 metros cubicos por segundo. En verano l'aprofeitamiento hidroelectrico fa baixar o cabal a 2.832 metros cubicos por segundo.

Vinclos externos[editar | modificar o codigo]