Campo de Cartachena
| Campo de Cartachena Campo de Cartagena |
|
|---|---|
| Comarca d'a Rechión de Murcia | |
 Anvista dende o Collado Roldán |
|
| Capital •Municipios |
Cartachena 3 |
| Entidat •Comunidat |
Comarca Rechión de Murcia |
| Superficie •Total |
854,1 km² |
| Población •Total •Densidat |
241.547 hab. 265,02 hab./km² |
.svg) Campo de Cartachena en a Rechión de Murcia |
|
O Campo de Cartachena (en castellán Campo de Cartagena) ye una comarca natural d'o Reino de Murcia que corresponde a lo sudeste peninsular (cabo de Palos) y con capital en a ciudat de Cartachena. Ye formata por os municipios de Cartachena, Fuente Álamo y La Unión, con una población total de 241.547 habitants, d'os qualos 199.571 viven en o municipio de Cartachena. Muga por o norte con a Mar Menor y a Huerta de Murcia, por l'este con o Baixo Guadalentín, por l'ueste con o Baixo Segura (País Valencián) y por o sud con a Mediterrania.
Conoixito por os romans como Campus Espartarius, ha estato dende siempre un puesto d'excelencia menera, más que más en a ciudat de La Unión, dica la decada de 1940. Dende a decada de 1960 se caracterizó por una forzata industrialización siderometalurchica en l'aria d'a capital, Cartachena, y a vecina Escombreras. Actualment o Campo de Cartachena ye un d'os prencipals productors d'hortalicias, con una industria agroalimentaria muit desembolicata en Torre Pacheco.
[editar] Polemica con a Mar Menor
Encara que por un regular se da por feito a existencia d'ista comarca, a suya valideza ye muit descutita por sectors provincialistas cartacheners, os qualos opinan que a Mar Menor fa parti d'a comarca d'o Campo de Cartachena. Ixo se debe a lo feito de que, efectivament, en muitas comarcalizacions realizatas en a provincia murciana, a Mar Menor feba parti d'o Campo de Cartachena. Amás, os municipios marmenorenses siempre han feito parti activa en l'aria d'influencia d'a capital cartachenera. O cartachenerismo demanda la creyación d'una provincia ta o Campo de Cartachena y a Mar Menor.
O municipio de Mazarrón tamién fa parti historicament d'a Comarca d'o Campo de Cartachena.
[editar] Se veiga tamién
| Municipios d'o Campo de Cartachena | |
|---|---|
| Cartachena | Fuente Álamo | La Unión |
|
|
|
|---|---|
| Alta Segura · Altiplán · Alto Guadalentín · Baixo Guadalentín · Campo de Cartachena · Huerta de Murcia · Mar Menor · Norueste · Oriental · Río Mula · Segura Meya · Val de Ricot | |
