Cabo d'año

De Biquipedia

Ir ta: nabego, busca

Este articlo ye sobre o primer día d'o calendario gregorián, t'as zelebrazions festibas e borinas relazionatas, se beiga Nueit de Cabo d'año

O día de cabo d'año ye o primer día de l'año en o calendario Gregorián. Autualment ye o 1 de chenero. Ye festibo en o catolizismo, que asimila d'esta traza una fiesta d'a relichión politeísta romana. En atras ilesias cristianas oriental zelebran o cabo d'año como fiesta relichiosa o 14 de chinero d'alcuerdo con o calendario Chulián, e por ixo son conoxitas como d'o calendario antigo.

[editar] Denominazions

En aragonés autual cabo d'año se fa serbir sobre tot t'a borina que se fa a nueit entre o 31 d'abiento e 1 de chinero e pa os regalos que se demandan os ninos fendo la tradizional plega por as casas. En atro contesto tamién se diz cabo d'año cuan ya ha pasato una añata d'a muerte d'un defunto. En a Edat Meya trobamos una menzión a lo día 31 d'abiento como biespra de cabo d'año en as Cronicas d'os Chudezes de Tergüel:

1231 Don Pero Alcayde. En esti año fue presa la tierra del reyno de Mallorcas que era de moros e prísola el rey de Aragón clamado el Rey Don Jayme e tomola el zaguer dia de deziembre, vispra de cabo de año

[editar] Curiosidaz

L'añata romana encomenzaba enantes en marzo, egual que l'añata astrolochica encomienza encara con piszis. Os romans cambeyoron o cabo d'año de marzo por o cabo d'año o día 1 de chenero por razons politicas con enchaquia d'a guerra cuentra Numanzia, porque a suya lei impediba que as tropas salisen de Roma enantes de cabo d'año.

[editar] Enrastres esternos

Otenito de "http://an.wikipedia.org/wiki/Cabo_d%27a%C3%B1o"
Ferramientas presonals