Bori
De Biquipedia
O bori ye o material blanco e duro que forma os catirons grans d'animals como os alifants, morsas e ipopotamos...
En o caso d'os alifants e ipopotamos ixos dients no corresponden a dients canins, son inzisibos bien desembolicatos.
Enantes de l'aparizión d'o plastico ye un material muito usato pa fabricar teclas de piano, bolas de billar, botons e articlos de choyería.
A suya tonalidat esdebién més amarillenca con o paso d'as añatas. O peso espezifico absoluto d'o bori ye entre 1,75 y 1,90 kg.
O bori se fa serbir pa adorno de muebles y en a costruzión d'asaber-lo d'obchetos tals como zepillos, peines, pomos de bastón u caxas.
Bi ha restrizions a la esportazión e importazión de bori por a mortalera d'aminals que produzen este marerial, pero tamién bi n'ha un comerzio ilizito.
En l'antiguedat os echipzios, os griecos, os ebreus feban serbir bori como adorno en a decorazión de salas, mueblos e templos. Salomón teneba un tron de bori incrustato en oro. En Grezia bi eba muitas estatuas de bori, como por exemplo as estatuas chigants d'Ateneya en o Partenón e de Zeus, que mediban 12 e 19 metros d'altaria respeutibament. En estas esculturas meteban bori pa representar ixas partes d'o cuerpo que no cubriban os bestitos. Os romans tamién emplegoron esta materia prima. L'arte bizantín fazió muito uso d'o bori, por exemplo os baxorreliebes de bori en as puertas d'a Ilesia de Santa Sofía en Costaninnoble.
