Barack Obama
Barack Hussein Obama II  |
|
|---|---|
 |
|
|
|
|
| Actualment en o cargo | |
| Dende o 20 de chinero de 2009 | |
| Lugartenient | Joe Biden |
| Precedito por | George W. Bush |
|
|
|
| 4 de chinero de 2005 – 16 de noviembre de 2008 | |
| Precedito por | Peter Fitzgerald |
| Succedito por | Roland Burris |
| Naiximiento | 4 d'agosto de 1961 Honolulu, Hawaii, USA |
| Partito | Democrata |
| Conchuche | Michelle Obama |
| Profesión | Advogato |
| Residencia | Casa Blanca |
| Alma Máter | Universidat de Columbia Universidat de Harvard, 1992 |
| Relichión | Cristián, dica 2008 d'a Ilesia congregacional (United Church of Christ) |
| Sinyal |  |
| Pachina web | www.whitehouse.gov |
Barack Hussein Obama II (prenunciato en anglés bəˈrɑːk hʊˈseɪn oʊˈbɑːmə), naixito lo 4 d'agosto de 1961 en Honolulu (Hawaii). Miembro d'o Partito Democrata y senador junior por Illinois dende o 3 de chinero de 2005 dica o 16 de noviembre de 2008, ye l'actual president d'os Estatos Unitos dimpués d'haber ganau as eleccions presidencials estatounitenses celebratas o 4 de noviembre de 2008, encara que fue formalment esleito como President d'os Estatos Unitos por o colechio electoral surtiu d'ixas eleccions en aviento de 2008. Barack Obama prenió oficialment o suyo cargo como 44eno President d'os Estatos Unitos o 20 de chinero de 2009.
Obama ye o primer afro-americano en estar esleito president d'os Estatos Unitos, y tamién estió o primero en estar nominato candidato a iste cargo por un d'os grans partitos politicos d'iste país.[1] Graduato por a Universidat de Columbia y a Escuela de Dreito de Harvard, a on a más estió president d'a Harvard Law Review, publicación sobre leis d'a Universidat, Obama treballó como organizador comunitario y como advogato en Dreito Civil antis d'estar esleito como senador por Illinois entre 1997 y 2004. Estió profesor de Dreito Constitucional en a Escuela de Dreito d'a Universidat de Chicago entre os anyos 1992 y 2004. Dimpués de no obtener un puesto en a Cambra de Representants d'os Estatos Unitos en l'anyo 2000, prencipió una campanya ta estar senador en chinero de 2003. Fue esleito a la fin como senador en noviembre de 2004 con un 70% d'os votos.
Obama anunció a suya campanya ta las eleccions chenerals en febrero de 2007, y fue nominato oficialment en a Convención Democrata de 2008. Concorrió a las eleccions con Joe Biden como candidato a vicepresident. Os candidatos d'o Partiu Republicano estioron John McCain (ta President) y Sarah Palin (ta vicepresidenta).
O 6 de noviembre de 2012 redotó en as eleccions presidencials a o canditato d'o Partiu Republicano Mitt Romney, estando asinas esleíto ta un nuevo periodo presidencial de quatre anyadas a contar dende chinero de 2013.[2]
Vinclos externos [editar]
Se veigan as imáchens de Commons sobre Barack Obama.
| Predecesor: George Walker Bush |
President d'Estatos Unitos 2009-hue |
Succesor: En o cargo |
| Predecesor: Martti Ahtisaari |
Premio Nobel d'a Paz 2009 |
Succesor: Liu Xiaobo |
Referencias [editar]
- ↑ (en) First African American Nominated as Presidential Candidate of US Major Party, Voice of America, 2008-09-18
- ↑ (an) Obama gana sin dificultatz, en Arredol.
