Audal·lá
De Biquipedia
| Audal·lá | |
|---|---|
 Audal·lá I de Chordania |
|
| Orichen | Arabe |
| Chenero | Masculín |
| Significato | esclavo de Dios |
| Zona | Islam |
| Articlos en Biquipedia | Totas as pachinas que prencipian por Audal·lá |
Audal·lá ye un nombre islamico, adaptación de la parabra arabe عبد الله, ʿabd allāh que significa "esclavo de Dios".
S'emplega a sobén entre los musulmans, y en especial lo prenen los que se convierten a lo islam. En lo fogache de 1495 Audalla ye un nombre muito recurrent entre los moriscos. Encara que s'escribise con -ll- en aragonés meyeval, no parix que se pronunciase con -ll- palatal, egual que Zaila, que s'escribiba Zaylla. L'adaptación aragonesa d'esta parabra arabe ye d'alcuerdo con la tendencia que tien l'aragonés d'adaptar las parabras que tienen grupos -PT- u -BT- en parabras latinas u de qualsiquier atro orichen: adaptar (/adautar/), concepto (conθeuto), caudet, caudiello.
[editar] Feguras historicas
Bi ha habito muitos presonaches celebres con este nombre:
- Audal·lá por antonomasia dentro de la cultura islamica ye Audalla ibn Abd al-Muttalib, padre de Mahoma, profeta de lo Islam.
- Audal·lá ibn Chahx, primo de Mahoma y primer prencipe de los creyents;
- Audal·lá I de Cordoba, emir omeya de Cordoba (888-912);
- Audal·lá ben Hakam, rei d'a Taifa de Saraqusta en 1038;
- Audul·lá bin Saud, cabo de la Casa de Saud dende 1814 dica 1818;
- Audal·la I de Chordania, emir de Transchordania (1921-46), rei de Transchordania (1946-49) y rei de Chordania (1949-51);
- Audal·lá II de Chordania, rei de Chordania dende 1999;
- Audal·lá bin Abdulaziz al-Saud, actual rei d'Arabia Saudita, dende 2005;
- Audal·lá Audal·lá, menistro de relacions exteriors d'Afganistán;
- Dato Seri Audal·lá Ahmad Badawi, actual primer menistro de Malaisia;
- Audal·lá Öcalan, politico kurdo, fundador de lo PKK;
- Audal·lá Ibrahim, pianista y compositor sudafricán de jazz (n. Adolph Johannes Brand)
- Audal·lá Ahmed Audal·la, imputato por los atentatos a las embaixatas d'Estatos Unitos en Tanzania y Kenia.
- Audal·lá Bucaram, ex-president d'Ecuador y actual convicto de la chusticia.
