Artemisa

De Biquipedia
Ir ta: navego, busca
A «Diana de Versalles», copia romana d'una escultura helenistica de márbol.

Artemisa u Ártemis (en griego antigo Ἄρτεμις -nominativo- u Ἀρτέμιδος -chenitivo-) estió, en a mitolochía griega, una d'as deidatz mas ampliament veneradas y una d'as mas antigas. Qualques investigadors creyen que o suyo nombre, y de feito a propia diosa, yera orichinalment pregriega. Homero alude a ella como Artemis Agrotera, Potnia Theron, "Artemisa d'o terreno virchen, Sinyora d'os Animals". En o periodo clasico d'a mitolochía griega, Artemisa fue descrita a ormino como a filla de Zeus y Leto, y a chirmana melguiza de Apolo. Estió a diosa helena d'a caza, os animals salvaches, o terreno virchen, as naixencias, a virchinidat y as mullers chovens, que trayeba y aliviaba as malotías d'as mullers. A ormino la representaban como una cazataira levando un arco y sayetas. Li consagroron o ciervo y o ciprés. En epoca helenistica posterior, asumió mesmo o papel de Ilitía como aduyanta d'os partos.