Accento grafico
L'accento grafico u tilde ye un signo (´) que se coloca, por eixemplo, sobre as vocals á, é, í, u, ú seguntes as reglas d'accentuación de l'idioma.
En cualques luengas romances, como l'aragonés, o castellano, o catalán u o francés, a vegadas s'utilizan accentos diacriticos para diferenciar unas parolas d'atras d'a mesma escritura pero con diferents significaus y usos: en castellano, de (preposición) y dé (entregue); en catalán, déu ("dios") y deu ("diez"); en francés, du ("d'o", articlo contracto) y dû ("habiu de").
En cuantos idiomas, l'accento ortografico tiene cualques variants, tals como l'accento agudo (´), o cual ye o mas frecuent, o circumflexo (^) u o grieu (`). Cada tipo d'accento puet recayer en diferents tipos de vocal; por eixemplo, en as luengas romances, l'accento grieu amaneixe cheneralment en vocals tonicas ubiertas —encara que en lombardo ù indica a vocal anterior redondeada ü indicada en o AFI como [y]—. En castellano, l'accento agudo ye o que solo puet ir sobre una vocal. En francés, l'accento circumflexo s'usa a ormino para indicar a perda d'una -s implosiva (isle en francés antigo, hue día île), encara que en portugués o mesmo accento circumflexo tiene l'obchectivo d'indicar o grau de abertura d'a vocal.
| Control d'autoridaz |
|
|---|
Datos: Q178890