Óscar Latas Alegre
| Óscar Latas Alegre | |
|---|---|
| Información personal | |
| Calendata de naixencia: | 1968 |
| Puesto de naixencia: |  Samianigo |
| Ocupación: | Cheografo y historiador |
Óscar Latas Alegre (Samianigo, 1968) ye un licenciato en Cheografía y Historia y diplomato en Machisterio (sciencias humanas) por a Universidat de Zaragoza. Actualment treballa de tecnico de cultura d'a Comarca de l'Alto Galligo.
Escritor en aragonés ye premiato en bells concursos altoaragoneses. D'entre a suya obra destaca o poemario Ortensia de Chudas, una colección de una ventena de poemas feitos en un cudiau y políu aragonés de trazas ansotanas con o que l'autor sarrablés plega a las chents con una gran frescura lingüística. Tenió mención d'o premio Arnal Cavero que otorga o Gubierno d'Aragón "por o dominio lingüístico, por o suyo ritmo poetico e por o tono intimista". En prosa ha publicau Petalos de febrero en Bordeus y en 2011 estió o ganador d'o Premio Arnal Cavero, con a novela Chuecos florals, por "a variedat d'estilos, rechistros y temas que s'achuntan en una obra narrativa de gran sensibilidat y modernidat".[1]
En ensayo destaca o estudio Misión lingüística en el Alto Aragón de Jean-Joseph Saroïhandy y bells articlos d'historiografía de l'aragonés en as revistas Fuellas, Luenga e Fablas y Rolde como Enrebesatos istoricos d'o toponimo Samianigo (1999), Tres nuebos poemas de Cleto Torrodellas (2000), Clases de aragonés en a Unibersidá de Barcelona: Odón Apraiz, 1933 (2000), Joaquín Costa e a Pastorada de Capella (2001), Repui d'unatro bocabulario aragonés d'o sieglo XIX: Moner y Siscar (2002), R. Mª Azkue e l'aragonés en 1930: literatura popular chesa e o bocabulario ansotano d'Aznárez (2004), Os bocables recullitos por J. Saroïhandy en Zanui (2005), El aragonés en la revista Jacetania (2006), Bocabulario de pastors sobrarbencos, seguntes A. Schmitt (2006) u Bozes de Torla, seguntes l'Atlas Linguistique et Ethnographique de la Gascogne (2007).
Contenius |
[editar] Obras publicatas
[editar] Ensayo
- Los orígenes de Sabiñánigo (1893-1932), Ayuntamiento de Sabiñánigo-Instituto de Estudios Altoaragoneses, 1996
- Guía del Museo Angel Orensanz y Artes de Serrablo, Ayuntamiento de Sabiñánigo-Instituto de Estudios Altoaragoneses, 1998
- Guía turistica de Serrablo (Ó. Latas & Chusé Miguel Navarro), Prames, 1999
- Misión lingüística en el Alto Aragón, de Jean-Joseph Saroïhandy, Xordica-Prensas Universitarias de Zaragoza, 2005
- Modismos Dialectales de Calatayud, Consello d'a Fabla Aragonesa, 2007
- Foratata. Antolochía de textos en aragonés de l'Alto Galligo (Ó. Latas & F. Nagore, editors), Consello d'a Fabla Aragonesa, 2007
- Informes sobre el aragonés y el catalán de Aragón (1898-1916) de Jean-Joseph Saroïhandy, Aladrada-Prensas Universitarias de Zaragoza-Gobierno de Aragón, 2009
[editar] Poesía
- Berari (Premio Sietemo, 2003)
- Sísolas (Accésit Lo Grau, 2004)
- Ortensia de Chudas (Mención d'o Premio Arnal Cavero, 2004)
- Postaletas (Premio Sietemo, 2009)
[editar] Novela y relato curto
- Pétalos de febrero en Bordeus, 2007
- Ablandindo gotez de soledá (Publicato tamién en catalán como Ablanint golpets de soledat, 2008)
- L'ombre choto de Sobrarbe, 2009
[editar] Vinclos externos
[editar] Referencias
- ↑ (an) Oscar Latas, Premio Arnal Cavero 2011, en Arredol, 15 d'aviento de 2011.
| Predecesor: VV.AA. (obra colectiva coordinada por Francho Nagore) |
Premio Arnal Cavero 2011 |
Succesor: - |
